जानकीमा आर्सेनिक परीक्षण प्रतिबेदन सार्वजनिक

स्थानीय

गृहपृष्ठ
स्थानीय
जानकीमा आर्सेनिक परीक्षण प्रतिबेदन सार्वजनिक

जानकीमा आर्सेनिक परीक्षण प्रतिबेदन सार्वजनिक

आइतबार, असार १, २०८२ बागेश्वरी पोस्ट

जानकी (बाँके) । जानकी गाउँपालिकामा आर्सेनिक परीक्षण प्रतिवेदन तथा सचेतना सम्वन्धि कार्यक्रम संचालन गरिएको छ । मिलाप नेपालगन्जको आयोजना र जानकी गाउँपालिकाको आर्थिक सहयोगमा आर्सेनिक परीक्षण प्रतिवेदन तथा सचेतना सम्वन्धि कार्यक्रम संचालन गरिएको हो ।

गाउँपालिका उपाध्यक्ष रामप्यारी यादवले आर्सेनिक परीक्षण तथा खानेपानीको सचेतनाका लागि संचालन गरिएको कार्यक्रम एकदमै महत्वपूर्ण रहेको र आगामी दिनहरुमा यो कार्यक्रम जनतामाझ पुर्याउनुपर्नेमा जोड दिइन् । कार्यक्रममा सामाजिक विकास समितिका संयोजक राम आचल धोवीले आउँदो कार्यक्रममा आर्सेनिक परीक्षण तथा खानेपानीको लागि वजेट व्यवस्थापन गर्न पहल गर्ने बताए । त्यस्तै मिलापका कार्यकारी निर्देशक राजेन्द्र बहादुर थापाले घरधुरी परीक्षण स्वास्थ्य संस्था ५, सामुदायिक, धार्मिक र बालविकास विद्यालय ४४, पालिकाका सबै वडा कार्यालय, प्रहरी पोष्ट ४ र कार्यपालिका सदस्यहरुको २५ ठाउँमा गरिएकोमा ४७ प्रतिशत आर्सेनिक भेटिएको बताए । उनले आर्सेनिक विषहरुको राजा भएको भन्दै यसले मानव स्वास्थ्यमा विस्तारै तर भयानक तवरले हानी पुर्याउने बताए । यो एक रसायन भएकोले पालिका अन्तर्गत गाउँटोलमा प्रयोग गरिने खानेपानीको परीक्षण तथा परीक्षण पश्चात योजना बनाई यसको निर्मलीकरणका लागि काम गर्नुपर्ने उनको भनाई छ ।

मिलापका कार्यकारी निर्देशक थापाको अध्यक्षता एवम् जानकी गाउँपालिकाका अध्यक्ष छब्बन खाँको प्रमुख आतिथ्यतामा सम्पन्न कार्यक्रममा प्रमुख प्रशासकीय अधिकृत नर बहादुर विक, मिलाप संस्थाकी प्रेमा रोकाय लगायत गाउँपालिकाका शाखा प्रमुखहरुको समेत उपस्थिति रहेको थियो ।

प्रकाशित मिति: आइतबार, असार १, २०८२ २१:०२

प्रतिक्रिया दिनुहोस्