गुजर टोलमा सडक 'कालोपत्रे', स्थानीय खुसी

स्थानीय

गृहपृष्ठ
स्थानीय
गुजर टोलमा सडक 'कालोपत्रे', स्थानीय खुसी

गुजर टोलमा सडक 'कालोपत्रे', स्थानीय खुसी

मंगलबार, असार ३, २०८२ बागेश्वरी पोस्ट

कोहलपुर । कोहलपुर नगरपालिका वडा नं. ४ स्थित गुजर टोलमा १ सय ८० मिटर सडक कालोपत्रे गरिएको छ । कोहलपुर नगरपालिका र स्थानीय पूर्वाधार सहयोग कार्यक्रमबाट २३ लाख ९६ हजार २१८ रुपैयाँको लागतमा सडक कालोपत्रेको काम पूरा भएको हो ।

राप्तीसोनारी गाउँपालिका ९ स्थित अनमोल निर्माण सेवाले बैशाख २८ गते सम्झौता गरेर जेष्ठ ३० गतेभित्र काम सम्पन्न गर्ने गरी ठेक्का सकारेको थियो ।
कोहलपुर नगरपालिका र स्थानीय पूर्वाधार सहयोग कार्यक्रमको सहलगानीमा सन्चालित गुजर टोलको बाटो कालोपत्रे गर्ने कार्य सम्पन्न भए पश्चात गुजर टोलवासीमा खुसी छाएको वडा अध्यक्ष मुवारक अलि गुजरले बताए ।

नगर क्षेत्रमा विकास निर्माण कार्य भएता पनि बजार क्षेत्रबाट नजिकै अवस्थित रैथाने मुस्लिम समुदायहरुको बाक्लो वस्ती रहेको गुजर टोलमा सडकको भरपर्दो विकास भएको थिएन । यो टोलको बाटो कच्ची भएकोले बर्खायाममा स्थानीयहरुले सास्ती खेप्दै आएका थिए । बालबालिकाहरुलाई पनि विद्यालय आवत-आवत गर्न असहज अवस्था थियो ।

सडक कालोपत्रे भएपछि गुजर टोलको करीब दुई सय र बेलनपुर वस्तीको करीब १४ सय मुस्लिम समुदायका वासिन्दाहरुमा यातायातको सहजता भएको वडा अध्यक्ष गुजरले बताए । कोहलपुर नगरपालिका र स्थानीय पूर्वाधार सहयोग कार्यक्रमको सहलगानीमा नगरपालिका क्षेत्रमा अहिले १८ वटा सडक स्तरोन्नति तथा तटबन्ध सम्बन्धि आयोजना निर्माणको काम भइरहेको छ । यस्ता योजनाहरूले समावेशी विकास, दिगो पूर्वाधार र जनताको प्रत्यक्ष जीवनस्तरमा सुधार गर्ने दिशामा नगरपालिकालाई नयाँ उचाईमा पुर्याउने कोहलपुर नगरपालिकाका प्रमुख प्रशासकीय अधिकृत मान बहादुर गिरीले बताए ।

प्रकाशित मिति: मंगलबार, असार ३, २०८२ १५:१२

प्रतिक्रिया दिनुहोस्