नेपालगञ्ज-२१ का बालबालिकाहरुलाई जीवन उपयोगी सीप तालिम

स्थानीय

गृहपृष्ठ
स्थानीय
नेपालगञ्ज-२१ का बालबालिकाहरुलाई जीवन उपयोगी सीप तालिम

नेपालगञ्ज-२१ का बालबालिकाहरुलाई जीवन उपयोगी सीप तालिम

सोमबार, असार १६, २०८२ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर २१ का अध्यक्ष राज कुमार साहुले जीवन उपयोगी सीप तालिमले जीवन जिउने कला सिकाएको बताएका छन् । नेपालगञ्ज उपमहानगरपालिका २१ नम्बर वडा कार्यालयको सहयोग तथा नाइस नेपालगञ्जको आायेजनामा आज सम्पन्न 'बाल क्लबका लागि जीवन उपयोगी सीप' बिषयक तालिममा बोल्दै अध्यक्ष साहुले यस्तो बताएका हुन् । उनले वडा कार्यालय बाल क्लबको क्षमता अभिबृद्धि गर्ने र बाल क्लब परिचालनमा तत्पर रहने प्रतिबद्धता गरे । नाइसले सञ्चालन गरेको तालिम प्रभावकारी रहेको बताउँदै तालिमबाट सिकेको कुरालाई ब्यवहारमा लागू गर्न सहभागीहरुलाई उनले अनुरोध पनि गरे ।

तालिमको समापनमा प्रतिक्रिया मन्तब्य राख्दै सहभागी श्यामवावु गुप्ताले जीवनलाई कसरी सहज र सकारात्मक बनाउने भन्ने कुरा तालिमबाट सिकेको बताए । उनले तालिम अत्यन्तै उपयोगी भएकाले सिकेको कुरालाई ब्यबहारमा लागू गर्ने प्रतिबद्धता गरे । यसैगरी तालिमका अर्का सहभागी सावित्री साहुले यस अघि तालिम लिएको भए पनि पहिलो पटक प्रभावकारी तालिम लिन पाउँदा खुसी लागेको बताइन् । उनले जीवन उपयोगी सीपका १० तत्वहरुको बारेमा स्पष्टसँग जानकारी भएको भन्दै ब्यवहारिक जीवनमा सिकेको कुरालाई लागू गर्ने प्रतिबद्धता गरिन् ।

बाल बालिकाको क्षमता अभिबृद्धि कार्यक्रम अन्तरगत सञ्चालित तालिममा जीवन उपयोगी सीपका १० वटा तत्वका बिषयमा नाइस नेपालगञ्जका अध्यक्ष हेमराज भट्ट र शोभा थापा मगरले सहजीकरण गरेका थिए । तालिममा वडा अध्यक्ष साहु, वडा सदस्य निराज अहमद वागवान, अरुण कुमार मिश्र, मैति कुमारी बिक लगायतको उपस्थिति रहेको थियो । तालिममा बाल क्लबका २५ जनाको सहभागिता रहेको थियो ।

प्रकाशित मिति: सोमबार, असार १६, २०८२ २१:५५

प्रतिक्रिया दिनुहोस्