अपाङ्गता भएका व्यक्तिलाई सहायता सहायक सामग्री वितरण

स्थानीय

गृहपृष्ठ
स्थानीय
अपाङ्गता भएका व्यक्तिलाई सहायता सहायक सामग्री वितरण

अपाङ्गता भएका व्यक्तिलाई सहायता सहायक सामग्री वितरण

शनिबार, असार २१, २०८२ बागेश्वरी पोस्ट

रविन्द्र घिमिरे/नेपालगञ्ज ।

नेपालगञ्ज उपमहानगरपालिकामा अपाङ्गता भएका व्यक्तिहरुलाई विभिन्न सहायता सहायक सामग्री वितरण गरिएको छ । सामाजिक विकास डिभिजन कार्यालय बाँकेको आर्थिक सहयोग र अपाङ्गता सशक्तिकरण एवम् सञ्चार केन्द्र (डेक) नेपाल बाँकेको आयोजनामा नेपालगञ्ज उपमहानगरपालिकाले सहायता सामग्री वितरण गरेको हो । कार्यक्रममा नेपालगञ्ज उपमहानगरपालिकाका मेयर प्रशान्त विष्टले विशेषगरी अपाङ्गता भएका ब्यक्तिहरु र जेष्ठ नागरिकहरुका निमित्त अपाङ्गमैत्री भवन निर्माण गरी लिफ्ट जडान गरिसकेको बताए । त्यसैगरी यो बर्षदेखि 'ग' वर्गमा रहेका अपाङ्गता भएका ब्यक्तिहरुको निःशुल्क रुपमा पालिकाले स्वास्थ्य बीमा गर्न सुरु गरेको उनले बताए । साथै विष्टले अल्बानिजम भएका व्यक्तिहरुका लागि पनि निःशुल्क स्वास्थ्य बीमा गरिने बताए । आउने दिनमा अझै अपांग समिति सञ्जालसंग सहकार्य गर्दे अगाडि बढ्ने उनले प्रतिवद्धता व्यक्त गरे ।

कार्यपालिका सदस्य बसन्त कनोजियाको अध्यक्षता एवम् मेयर विष्टको प्रमुख आतिथ्यतामा भएको कार्यक्रम नगर सञ्जालका सदस्य पुष्पराज उप्रेतिले सञ्चालन गरेका थिए । कार्यक्रममा वडा नम्वर २० का वडा अध्यक्ष कौशल कुमार धोवी, कार्यपालिका सदस्यहरु संगिता रेग्मी, मोहम्मद मुजम्मिल हुसेन हलवाई, अमृता सिंह, बरिष्ठ महिला विकास अधिकृत पवित्रा पुरी, नेपालगञ्ज उपमहानगरपालिकाकी निवर्तमान उपमेयर उमा थापा मगर, नेपालगञ्ज उपमहानगरपालिका अपांग सञ्जालका नगर अध्यक्ष गोकर्ण प्रसाद आचार्य, राष्ट्रिय अपाङ्ग अलबिनो नेपालका केन्द्रिय अध्यक्ष टेकराज जैशी, नेत्रहिन संघ बाँकेका जिल्ला अध्यक्ष भावुकजंग थापा लगायत अपाङ्गता सशक्तिकरण एवम् सञ्चार केन्द्र (डेक) नेपाल बाँकेका कर्मचारीहरुको उपस्थिति रहेको थियो । कार्यक्रममा ई-ट्राईसाईकल १, ट्राई-साईकल ४, वाकर १, एल-स्टिक १ गरी जम्मा सात जना अपाङ्गता भएका व्यक्तिहरुलाइलाई विभिन्न सहायता सहायक सामग्री वितरण गरिएको थियो ।

May be an image of 8 people, people smiling, motorcycle, bicycle, temple and text