राप्तीसोनारी गाउँपालिका वडा नम्वर ६ ले किसानलाई बाँड्यो मिनी टिलर

स्थानीय

गृहपृष्ठ
स्थानीय
राप्तीसोनारी गाउँपालिका वडा नम्वर ६ ले किसानलाई बाँड्यो मिनी टिलर

राप्तीसोनारी गाउँपालिका वडा नम्वर ६ ले किसानलाई बाँड्यो मिनी टिलर

मंगलबार, असार २४, २०८२ बागेश्वरी पोस्ट

रबिन्द्र घिमिरे/राप्तीसोनारी (बाँके) । राप्तीसोनारी गाउँपालिका वडा नम्वर ६ ले १८ जना किसानलाई मिनी टिलर वितरण गरेको छ । वडा कार्यालयको आर्थिक वर्ष २०८१/०८२ को बजेटमार्फत पावर टिलर किसानलाई वितरण गरिएको हो ।

वडा नम्वर ६ को परिसर पनेरियामा औपचारिक कार्यक्रमका बीच मिनी टिलर हस्तान्तरण गरिएको हो । वडा अध्यक्ष लवराज खरेलले किसानहरुलाई मिनी टिलर हस्तान्तरण गरे । मिनी टिलर हस्तान्तरण कार्यक्रममा बोल्दै वडा अध्यक्ष खरेलले कृषिमा सुधार गर्न, कृषिमा किसानलाई जागरुक गर्न र आजको प्रविधिमैत्री युगमा जोत्न सहज होस् भनेर ५० प्रतिशत अनुदानमा १८ वटा टोल विकासलाई एक-एक वटा मिनी टिलर वितरण गरिएको बताए ।

वडाको वार्षिक बजेटबाट ७ लाख विनियोजन गरी वितरण गरिएको उनले बताए । साथै वडा अध्यक्ष खरेलले गाउँपालिकाको कृषि शाखाबाट मोटर र दुई जना किसानलाई बोरिङ समेत वितरण गरेको जानकारी दिए । हस्तान्तरण कार्यक्रममा वडा अध्यक्ष खरेल, वडा सचिव प्रकाश भारती, वडा सदस्यहरु लक्ष्मी थारु, पतरी परियार, राम बहादुर थारु, नर बहादुर पुन लगायत कर्मचारीको सहभागिता रहेको थियो ।

प्रकाशित मिति: मंगलबार, असार २४, २०८२ १०:५०

प्रतिक्रिया दिनुहोस्