विपद् जोखिम ब्यवस्थापनका लागि अन्तरपालिका समन्वय, सहकार्य र साझेदारीमा जोड

स्थानीय

गृहपृष्ठ
स्थानीय
विपद् जोखिम ब्यवस्थापनका लागि अन्तरपालिका समन्वय, सहकार्य र साझेदारीमा जोड

विपद् जोखिम ब्यवस्थापनका लागि अन्तरपालिका समन्वय, सहकार्य र साझेदारीमा जोड

शुक्रबार, असार २७, २०८२ बागेश्वरी पोस्ट

नेपालगञ्ज । विपद् जोखिम पहिचान, ब्यवस्थापन र न्यूनीकरणका लागि अन्तरपालिका समन्वय, सहकार्य र साझेदारीमा जोड दिइएको छ । बाँकेका स्थानीय तहबीच विपद् ब्यवस्थापनमा अन्तरपालिका समन्वय, सहकार्य एवम् साझेदारी विषयक कार्यशाला गोष्ठीमा आपतकालीन कार्यसञ्चालन केन्द्रको प्रभावकारिता, स्वयंसेवक परिचालन, पालिकाबीचको आपसी सहकार्य र विपद् सूचना प्रणालीको प्रयोग तथा प्रभावकारिताका सन्दर्भका समूहगत छलफल गर्दै आपसी समन्वय, सहकार्य र साझेदारीमा जोड दिइएको हो ।

आठ वटै पालिका, जिल्ला तथा प्रदेश तहका विपद् ब्यवस्थापन सम्बद्ध प्रतिनिधिहरुको उपस्थितिमा समूहगत छलफल गरी भावी कार्यदिशा र कार्ययोजनाका लागि पृष्ठपोषण समेत प्रदान गरिएको छ । त्यसक्रममा विपद् पहिचान, ब्यवस्थापन र न्यूनीकरणका लागि गरिएका असल अभ्यासहरुको अनुभव आदानप्रदानसंगै विभिन्न जटिलता र तिनको समाधानबारे पनि छलफल गरिएको थियो ।

सहरी विपद् तथा भूकम्पीय पूर्व तयारी परियोजना ९सुपर० को संयोजनमा कार्यक्रम सम्पन्न गरिएको हो । युरोपियन युनियनको आर्थिक सहयोग तथा युएनडिपी, युनिसेफ, युएन ओमन र एचआईको साझेदारी एवम् सिडिएम नेपालको प्राविधिक सहयोगमा सञ्चालित सहरी विपद् तथा भूकम्पीय पूर्व तयारी परियोजना ९सुपर० ले नेपालगञ्ज उपमहानगरपालिकाभित्र विपद पूर्व तयारी र प्रतिकार्यका लागि काम गरिरहेको छ ।

कार्यशालामा नेपालगञ्ज उपमहानगरपालिकाका नगर प्रमुख प्रशान्त विष्टले नेपालगञ्जलाई विपद् व्यवस्थापनको हवको रुपमा लैजान आपसी सहकार्यमा जोड दिए । उनले नेपालगन्जले विपद् व्यवस्थापनमा केही उदाहरणीय काम गरेको जानकारी गराउँदै विपद् पूर्व तयारी, प्रतिकार्य र पुनः लाभका लागि आपसी सहकार्य र साझेदारी महत्त्वपूर्ण हुने बताए । राष्ट्रिय विपद् जोखिम न्यूनीकरण तथा व्यवस्थापन प्राधिकरणका सहसचिव रोशनी श्रेष्ठले विपद् व्यवस्थापनमा स्थानीय तहको महत्त्वपूर्ण भूमिका रहने बताइन् ।

लुम्विनी प्रदेश आन्तरिक मामिला तथा कानुन मन्त्रालयका सचिव लोक बहादुर सुनार, नेपालगन्ज उपमहानगरपालिकाका प्रमुख प्रशासकीय अधिकृत रामहरि शर्माले विपद् व्यवस्थापनमा सहकार्य गर्नुपर्नेमा जोड दिएका थिए । बाँकेका सहायक प्रमुख जिल्ला अधिकारी उमाकान्त अधिकारीले विपद् युद्ध र संकटको अवस्था भएको भन्दै अबको मुख्य लडाइँ विपद्संग हुने भन्दै त्यसका लागि तयारी आवश्यक रहेकोमा जोड दिए । युनडिपीका सुधिर कुमारले ज्ञान र काम गराईको बीचको अन्तर पूर्ति गर्न कार्यशालाले सहयोग पुग्ने बताए । युरोपियन युनियनका प्रतिनिधि सुजित महर्जनले नेपालगञ्ज उपमहानगरपालिकाले विपद व्यवस्थापनमा गरेको क्रियाकलापको प्रशंसा गरे ।

नेपालगञ्ज उपमहानगरपालिका वन, वातावरण तथा विपद् समिति संयोजक समिर प्रताप सिंहको अध्यक्षतामा सम्पन्न कार्यशालामा युएनडिपी, युनिसेफ, युएन ओमन, एचआई, सिडिएम नेपालका प्रतिनिधिले सहजीकरण गरेका थिए । नेपालगञ्ज उपमहानगरपालिका विपद् फोकल पर्सन दिपेन्द्र श्रेष्ठले सञ्चालन गरेको कार्यक्रममा संघीय मामिला तथा स्थानीय मन्त्रालयका जयराम उप्रेति, बाँकेका आठ वटै पालिकाका विपद् समिति संयोजकहरु, विपद् फोकल पर्सन, जेड्सी फोकल पर्सन, सम्बद्ध सरोकारवाला लगायतको उपस्थिति थियो ।

May be an image of 4 people May be an image of 7 people and dais May be an image of 8 people, lighting and dais