नेपालगञ्ज स्वास्थ्य चौकी प्रांगणमा बृक्षारोपण

स्थानीय

गृहपृष्ठ
स्थानीय
नेपालगञ्ज स्वास्थ्य चौकी प्रांगणमा बृक्षारोपण

नेपालगञ्ज स्वास्थ्य चौकी प्रांगणमा बृक्षारोपण

शनिबार, असार २८, २०८२ बागेश्वरी पोस्ट

नेपालगञ्ज । 'सबैका लागि रुख सधैंका लागि रुख' भन्ने मूल नाराका साथ नेपालगञ्ज स्वास्थ्य चौकी वडा नम्बर १२ को प्रांगणमा बृक्षारोपण गरिएको छ । बास नेपाल वातावरण विभाग र बाँके शाखाको संयुक्त आयोजनामा भएको कार्यक्रममा गुलमोहर, सितलचिनी, जकरंडा, बेल लगायतका दुई दर्जन बढी बिरुवाहरु बृक्षारोपण गरिएको छ ।

स्वास्थ्य चौकीलाई हरियाली बनाउने उद्देश्यले गरिएको बृक्षारोपणमा बास नेपालका कार्यकारी निर्देशक नमस्कार शाह, वातावरण विभाग संयोजक हेमन्तराज काफ्ले, बासका निर्देशक तथा वातावरण विभाग सहसंयोजक हेमराज भट्ट, बास बाँके शाखा अध्यक्ष रामु चिडिमार, निवर्तमान बाँके शाखा अध्यक्ष शोभा थापा मगरसहित स्थानीयहरुको सहभागिता रहेको थियो ।

बास नेपाल वातावरण विभागको अगुवाईमा नेपालगञ्जलाई हरियो बनाउने अभियान अन्तरगत यो बर्ष प्रत्येक वडामा १०० बिरुवाका दरले २३०० बिरुवा अभियानको रुपमा लगाइने संयोजक काफ्लेले बताएका छन् । बास नेपाल बाँके शाखाले जिल्लामा सुशासन प्रबर्द्धन, वातावरण संरक्षण, सचेतनामूलक क्रियाकलाप लगायत सञ्चालन गर्दै आएको छ ।

May be an image of 2 people, tree and grass