कोरोना संक्रमणको आशंका गरिएका एक व्यक्तिले गरे आत्महत्या

विश्व

गृहपृष्ठ
विश्व
कोरोना संक्रमणको आशंका गरिएका एक व्यक्तिले गरे आत्महत्या

कोरोना संक्रमणको आशंका गरिएका एक व्यक्तिले गरे आत्महत्या

बिहीबार, चैत ६, २०७६ बागेश्वरी पोस्ट

सांंकेतिक तस्बिर

काठमाडौं । भारतमा कोरोना संक्रमणको आशंका गरिएका एक व्यक्तिले अस्पतालको भवनबाट हाम्फालेर आत्महत्या गरेका छन् ।

संक्रमणको आशंकापछि राजधानी दिल्लीको सफदरजंग अस्पतालमा भर्ना भएका ३५ वर्षीय युवकले आत्महत्या गरेको भारतीय सञ्चारमाध्यमले जनाएका छन् ।आत्महत्या गर्नेको परिचय खुलाइएको छैन ।

र, उनले किन यस्तो बाटो रोजे भन्ने पनि अस्पष्ट छ । यद्यपि, कोरोनाको तनावले ती बिरामीले यस्तो निर्णय लिएको हुनसक्ने आशंका गरिएको छ। टाइम्स अफ इन्डियाका अनुसार, ती युवक अस्ट्रेलियाको सिड्नीबाट हालै फर्किएका थिए ।

दिल्ली एयरपोर्टमा स्वास्थ्य परीक्षणका क्रममा कोरोना संक्रमणको आशंकामा अस्पताल लगिएको थियो । उनी अस्पतालको आइसोलेसन वार्डमा राखिएका थिए । नमूना संकलन गरेर परीक्षणका लागि पठाइए पनि रिपोर्ट नआउँदै आत्महत्या गरेको भारतीय सञ्चारमाध्यमहरूले जनाएका छन् ।अनलाइनखबरबाट साभार।

प्रकाशित मिति: बिहीबार, चैत ६, २०७६ १०:०६