बाढी विपद्को पूर्व तयारी अभिमुखीकरण

स्थानीय

गृहपृष्ठ
स्थानीय
बाढी विपद्को पूर्व तयारी अभिमुखीकरण

बाढी विपद्को पूर्व तयारी अभिमुखीकरण

आइतबार, साउन ४, २०८२ बागेश्वरी पोस्ट

नेपालगञ्ज । नेपाल रेडक्रस सोसाइटी बाँके जिल्ला शाखाद्वारा संचालित नेपालमा बाढी पूर्वानुमानमा आधारित पूर्वकार्यहरु (सिप eSEAP) परियोजनाको आयोजनामा बाढी विपद् प्रभावित समुदायलाई बाढी पूर्व कार्यहरुबारे अभिमुखीकरण गरिएको छ । उक्त अभिमुखीकरण नरैनापुर गाउँपालिका वडा नं. ६ भोजपुर र गंगापुर, राप्तीसोनारी गा.पा. वडा नं. ६ खल्लाटेपरी, वडा नं. ७ देउपुरा, पिप्रहवा र डुडुवा गा.पा.वडा नं. १ बोर्डर चौफेरी र कृषि चौफेरीमा सम्पन्न भएको थियो ।

प्रभावित समुदायहरुको सहभागितामा सुरक्षित स्थानमा स्थानान्तरण टोली, सरसफाई तथा स्वच्छता प्रवद्र्धन टोली, मर्यादा सामग्री वितरण टोली, समुदायिक सहभागिता तथा जवाफदेहिता टोली र अस्थायी आश्रय स्थलमा सहायता कक्ष संचालन टोलीहरुको पुर्नगठन गरिएको छ । अभिमुखीकरणमा परियोजनाद्वारा संचालित गतिविधिको जानकारी, रेडक्रस अभियान, पूर्व स्थानान्तरण प्रक्रिया, पिउने पानी शुद्धिकरण गर्ने विधि, टोलीको भूमिका, जिम्मेवारी, दायित्व र स्वयंसेवक परिचालन सम्बन्धि प्रशिक्षण दिइएको थियो ।

अभिमुखीकरणको सहजीकरण स्वास्थ्य चौकी गंगापुरका इन्चार्ज भरत गोराथोकी, फत्तेपुर स्वास्थ्य चौकी इन्चार्ज मनोज कुमार मिश्रा, राप्तीसोनारी ६ स्वास्थ्य चौकी इन्चार्ज नियामत अलि शाई, डुडुवा गा.पा. स्वास्थ्य शाखाका स्वास्थ्य अधिकृत पवन कैराती, नेरेसो बाँके शाखाका बरिष्ठ संगठन विकास अधिकृत निरञ्जना मल्ल, कार्यक्रम अधिकृत प्रहलाद विश्वकर्मा र कार्यक्रम फोकल पर्सन झविलाल शर्माले गरेका थिए ।

कार्यक्रममा नरैनापुर गा.पा. ६ का वडा अध्यक्ष प्रेमचन्द्र मौर्य, राप्तीसोनारी गा.पा. ७ का वडा अध्यक्ष रामलखन थारु, डुडुवा गा.पा. १ का वडा अध्यक्ष पटेश्वरी कुर्मी, नेरेसो बाँके शाखाका सभापति गोवर्धन सिंह सम्झना, मन्त्री अजीज अहमद सिद्धिकी, कोषाध्यक्ष राकेश बहादुर श्रीवास्तव, सोनारी उपशाखा सभापति यज्ञ नारायण शर्मा, गंगापुरका सभापति विक्रम प्रसाद वर्मा र बेतहनी उपशाखाका सभापति सोहनलाल यादव लगायत उपशाखा कार्यसमिति, स्थानीय प्रहरी र समुदायको उपस्थिति रहेको थियो ।

प्रकाशित मिति: आइतबार, साउन ४, २०८२ १९:५५

प्रतिक्रिया दिनुहोस्