नेपाल प्रहरीमा अनिवार्य अवकाश जाने भन्दा राजीनामा दिनेको संख्या बढी

सुरक्षा-अपराध

गृहपृष्ठ
सुरक्षा-अपराध
नेपाल प्रहरीमा अनिवार्य अवकाश जाने भन्दा राजीनामा दिनेको संख्या बढी

नेपाल प्रहरीमा अनिवार्य अवकाश जाने भन्दा राजीनामा दिनेको संख्या बढी

सोमबार, साउन १२, २०८२ बागेश्वरी पोस्ट

काठमाडौं । नेपाल प्रहरीमा जागिर छोडेर जानेको प्रहरी कर्मचारीको संख्यामा २ हजार नाघेको छ ।

आर्थिक वर्ष २०८१-०८२ मा नेपाल प्रहरीको जागिरबाट राजीनामा दिनेको संख्या २ हजार ३६९ जना पुगेको प्रहरी प्रधान कार्यालयले जानकारी दिएको छ ।

प्रहरीका केन्द्रीय प्रवक्ता डीआइजी बिनोद घिमिरेका अनुसार जागिर छाडेर राजीनामा दिनेमध्ये ४ सय १ जना सिनियर प्रहरी अधिकृत हुँदा १९ सय ४९ अन्य दर्जाका रहेका छन् ।

आ.व. २०८०-०८१ मा ४ हजार ७०३ जना प्रहरी कर्मचारीले जागिर छाडेका थिए । प्रहरीमा आ.व.०८१-०८२ मा २७ सय १७ जना नयाँ नियुक्ति र पदस्थापन भएको डीआइजी घिमिरेले जानकारी दिएका छन् ।

उक्त अवधिमा ७४ सयको बढुवा र पदस्थापन गरिएको र २१ हजार २ सय २४ जनाको सरुवा हुँदा ५ सय २३ प्रहरी कर्मचारी अनिवार्य अवकाशमा गएको घिमिरेले बताए ।

प्रकाशित मिति: सोमबार, साउन १२, २०८२ १०:३५

प्रतिक्रिया दिनुहोस्