स्वर्गीय प्रसाईंको सम्झनामा दीप प्रज्वलन

अर्थ

गृहपृष्ठ
अर्थ
स्वर्गीय प्रसाईंको सम्झनामा दीप प्रज्वलन

स्वर्गीय प्रसाईंको सम्झनामा दीप प्रज्वलन

शुक्रबार, साउन १६, २०८२ बागेश्वरी पोस्ट

नेपालगन्ज । प्रजातान्त्रिक उद्योगी व्यवसायी संघ बाँकेले स्वर्गीय अच्युत प्रसाद प्रसाईंलाई आज दीप प्रज्वलन गरी सम्झिएको छ । नेपालगन्ज उद्योग वाणिज्य संघका पूर्व अध्यक्ष तथा नेपाल उद्योग बाणिज्य महासंघका पूर्व केन्द्रीय सदस्य समेत रहिसकेका स्वर्गीय प्रसाईंको वार्षिक पुण्यतिथिको अवसरमा प्रजातान्त्रिक उद्योगी व्यवसायी संघले सम्झिएको हो ।

प्रजातान्त्रिक उद्योगी व्यवसायी संघ बाँकेका अध्यक्ष संजय थापाको अध्यक्षतामा सम्पन्न दीप प्रज्वलन कार्यक्रममा नेपाली कांग्रेस बाँकेका उपसभापति गोपाल प्रसाद अधिकारी, नेपालगन्ज उद्योग वाणिज्य संघका पूर्व अध्यक्ष सतिस अग्रवाल, पूर्व महासचिव अशोक कर्माचार्य लगायतले बोलेका थिए ।

सम्बोधनका क्रममा वक्ताहरूले स्वर्गीय प्रसाईंले नेपालगन्जलाई दिएको योगदान भुल्न नहुने बताएका थिए । कार्यक्रममा कोहलपुर उद्योग वाणिज्य संघका उपाध्यक्ष दिपक भट्टराई, नेपालगन्ज नगर विकास समितिका पूर्व अध्यक्ष ललित कुमार रौनियार, कोहलपुर उद्योग वाणिज्य संघका पूर्व अध्यक्ष लक्ष्मण प्रसाद पौडेल, प्रजातान्त्रिक उद्योगी व्यवसायी संघ बाँकेका वरिष्ठ उपाध्यक्ष उमा ग्राण्डन, सचिवद्वय टेक बहादुर खड्का, हिमनाथ पौडेल, कोषाध्यक्ष विष्णु श्रेष्ठ, नगर अध्यक्ष शिव प्रसाद दाहाल लगायतको उपस्थिति रहेको थियोे ।

प्रकाशित मिति: शुक्रबार, साउन १६, २०८२ २१:३६

प्रतिक्रिया दिनुहोस्