नेपालगञ्जमा छाडा पशुको संख्या बढेपछि काञ्जीहाउस लगिँदै, शनिवार पनि ५५ पशुचौपाया काञ्जीहाउस पुर्याइयो

स्थानीय

गृहपृष्ठ
स्थानीय
नेपालगञ्जमा छाडा पशुको संख्या बढेपछि काञ्जीहाउस लगिँदै, शनिवार पनि ५५ पशुचौपाया काञ्जीहाउस पुर्याइयो

नेपालगञ्जमा छाडा पशुको संख्या बढेपछि काञ्जीहाउस लगिँदै, शनिवार पनि ५५ पशुचौपाया काञ्जीहाउस पुर्याइयो

शनिबार, साउन १७, २०८२ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले बजार क्षेत्रमा छाडा पशुचौपायाको संख्या बढेपछि काञ्जीहाउस लैजाने गरेको छ । आज पनि बजार क्षेत्रमा छाडा छोडिएका ५५ वटा पशुचौपायालाई वडा नम्बर २१ विर्तास्थित काञ्जीहाउसमा लगिएको छ । ती मध्ये ४६ वटा गाईगोरु र बाच्छाबाच्छी तथा ९ वटा घोडा, खच्चड र तिनका बच्चा काञ्जीहाउस पुर्याइएको नगर प्रहरी प्रमुख प्रहरी निरीक्षक सूर्य बहादुर बोगटीले जानकारी दिए । बजारमा छाडा पशुचौपायाको संख्या बढ्दै जाँदा दुर्घटनाको जोखिम बढेपछि छाडा पशुचौपायालाई काञ्जीहाउस लगिएको बोगटीले बताए ।

No photo description available.

नगरका विभिन्न भागमा छरिएर रहेका छाडा पशुचौपायालाई एकितृत गरेर एकसाथ काञ्जीहाउस पुर्याइएको थियो । बोगटीका अनुसार ट्राफिक चोकदेखि राँझा चोक तथा बजार क्षेत्रभित्र सडकमा रहेका छाडा पशुचौपायालाई एकिकृत गरी कान्जीहाउस लगिएको हो । नगर प्रहरीको टोलीले छाडा पशुचौपायालाई काञ्जीहाउस पुर्याएको हो । नगर प्रहरीले सडकमा छाडा पशुचौपायाको संख्या बढ्दा काञ्जीहाउस लैजाने गरेको छ ।

No photo description available. May be an image of horse