गुरुकुल सहकारीको खुद बचत ९ लाख

अर्थ

गृहपृष्ठ
अर्थ
गुरुकुल सहकारीको खुद बचत ९ लाख

गुरुकुल सहकारीको खुद बचत ९ लाख

बिहीबार, भदौ ५, २०८२ बागेश्वरी पोस्ट

नेपालगञ्ज । नेपालगञ्जमा प्रधान कार्यालय रहेको गुरुकुल बचत तथा ऋण सहकारी संस्था लिमिटेडले १५औँ बार्षिक साधारणसभा सम्पन्न गरेको छ । साधारणसभामा आर्थिक बर्ष २०८१/०८२ मा संस्थाले १२ करोड ८१ लाख ४२ हजार ५ सय १६ रुपैयाँ ७९ पैसा बराबारको कुल कारोबार गरेको जानकारी दिएको छ । जसमा शेयर पुँजी १ करोड ११ लाख १९ हजार ७ सय रहेको छ । यस्तै ८ लाख ९९ हजार ७ सय ५८ रुपैयाँ २१ पैसा खुद बचत गर्न सफल भएको संस्थाका अध्यक्ष प्रदिप चौधरीले जानकारी दिए ।

साधारणसभाका प्रमुख अतिथि संस्थाका जेष्ठ सदस्य तथा नेपालगञ्ज उपमहानगरपालिका वडा नम्बर १३ का कृष्णनाथ योगीले पानसमा दिप प्रज्वलन गरेर साधारणसभाको उद्घाटन गरेका थिए । उनले गुरुकुल बचत तथा ऋण सहकारी संस्था लिमिटेड उत्कृष्ट काम गरी सबैको भरोसायोग्य संस्था बनेको बताए । अब गुरुकुल सहकारीलाई लुम्बिनी प्रदेशकै उकृष्ट बनाउन लाग्नुपर्ने उनको भनाई छ । साधारणसभामा जिल्ला बचत तथा ऋण सहकारी संघ लिमिटेडका अध्यक्ष प्रेम बहादुर शाह, राष्ट्रिय सहकारी बैंक लि. शाखा प्रमुख प्रकाश थपलियाले गुरुकुल सहकारी संस्थाले पहिलाको भन्दा अहिले धेरै प्रगति गरेको भन्दै खुसी ब्यक्त गरे ।

नेपालगञ्ज उपमहानगरपालिका सहकारी शाखा प्रमुख प्रविन कुमार राना, ओम साई बचत तथा ऋण सहकारी संस्थाका अध्यक्ष शम्भु बहादुर अधिकारी, प्रारम्भ बहुउद्देश्यीय सहकारी संस्था लि. का अध्यक्ष रवि सिंह महतरा लगायत साधारणसभामा सहभागी रहेको सहकारीका व्यवस्थापक टिकाराम चौधरीले जानकारी दिए । साधारणसभामा बचततर्फ बनारसी लाल वैश्य, मो. सरिफ बेहेना, मोहन कुमार तमाली, सकिना बागवान, आरभ वैश्य, भानुभक्त शर्मा, रामरति देवी हल्वाइनी, सुरेश कुमार हल्वाई लगायतलाई प्रशंसापत्र प्रदान गरिएको थियो ।

प्रकाशित मिति: बिहीबार, भदौ ५, २०८२ २०:२३

प्रतिक्रिया दिनुहोस्