सशस्त्र प्रहरीले खुलायो ठूलो संख्यामा जागिर, देशभरका सशस्त्र प्रहरी कार्यालयमा आवेदन दिन सकिने

सुरक्षा-अपराध

गृहपृष्ठ
सुरक्षा-अपराध
सशस्त्र प्रहरीले खुलायो ठूलो संख्यामा जागिर, देशभरका सशस्त्र प्रहरी कार्यालयमा आवेदन दिन सकिने

सशस्त्र प्रहरीले खुलायो ठूलो संख्यामा जागिर, देशभरका सशस्त्र प्रहरी कार्यालयमा आवेदन दिन सकिने

शुक्रबार, भदौ ६, २०८२ बागेश्वरी पोस्ट

काठमाडौं । सशस्त्र प्रहरी बल नेपालले नयाँ भर्ना आह्वान गरेको छ । आज एक सूचना जारी गर्दै सशस्त्र प्रहरी बलले ठूलो संख्यामा नयाँ जागिरको आह्वान गरेको हो ।

सशस्त्र प्रहरीले सशस्त्र प्रहरी जवान र परिचरतर्फ भान्छे, कुचिकार, सूचिकार, केशकर्तक र चर्मकर्मीमा ठूलो संख्यामा भर्ना खोलिएको जनाएको छ ।

सशस्त्र प्रहरीका अनुसार सबैभन्दा बढी ७८६ जना जवानतर्फ भर्ना खुलाइएको जनाएको छ भने परिचरतर्फ भान्छे २६, १० जना कुचिकार, १३ सूचिकार, केशकर्तक १० जना र १ जनाका लागि चर्मकर्मीमा भर्ना खुलाइएको हो ।

आजका मितिदेखि असोज ५ गतेसम्म दरखास्त दिन सकिने सशस्त्र प्रहरी प्रधान कार्यालयले बताएको छ ।

आवेदन दिन इच्छुक योग्यता पुगेका नेपाली नागरिकले देशभरका विभिन्न सशस्त्र प्रहरी कार्यालय वा सशस्त्र प्रहरी प्रधान कार्यालयमा दिन सकिने जानकारी दिइएको छ ।

आवेदन देशभरमा रहेका सम्बन्धित ७ प्रदेशका बाहिनी तथा जिल्लास्थित सशस्त्र प्रहरी गण र गुल्ममा आवेदन दिन सकिने र बिस्तृत जानकारी पाउन सकिने सशस्त्र प्रहरी प्रधान कार्यालयले जनाएको छ ।

प्रकाशित मिति: शुक्रबार, भदौ ६, २०८२ ०९:२८

प्रतिक्रिया दिनुहोस्