हिन्दु नारीले आज तीज धूमधामसंग मनाउँदै

संस्कृति-साहित्य

गृहपृष्ठ
संस्कृति-साहित्य
हिन्दु नारीले आज तीज धूमधामसंग मनाउँदै

हिन्दु नारीले आज तीज धूमधामसंग मनाउँदै

मंगलबार, भदौ १०, २०८२ बागेश्वरी पोस्ट

नेपालगञ्ज । भाद्र शुक्ल तृतीयाको दिन हिन्दु महिलाहरूले भगवान् शिवको पूजा आराधना गरी व्रत बस्नुका साथै नाचगान गरेर धूमधामसँग तीज मनाउँछन् । पतिको लागि आज व्रत बसेका नारीहरूको अटल सौभाग्य र सदासर्वदा भरिभराऊ, कोखका लागि भगवान् स्वयं धर्तीमा झर्छन् जस्तो भान हुन्छ ।

हिजोको दरको भरमा आज आस्था र परम्पराको एउटा सहृदय अर्चना गरिन्छ । आजको दिन निराहार र निर्जला व्रत बस्ने चलन छ । पार्वतीले शिवजी वरका रूपमा प्राप्त गरौँ भनी मनोकामना राखी तीजको व्रत बसेपछि तीजको चलन चलेको जनविश्वास रहिआएको छ ।

आजको दिनमा शिव मन्दिर र शिवालयहरूमा दर्शनार्थीको विशेष भीड हुन्छ । शिव मन्दिरहरुमा आज रातो रंगमा सजिएका हर्षित, उत्साहित विवाहित, अविवाहित महिलाहरूको बाक्लै उपस्थिति हुने गर्छ ।

प्रकाशित मिति: मंगलबार, भदौ १०, २०८२ ०६:१७

प्रतिक्रिया दिनुहोस्