फरुवाले हानेर आफ्नै आमाको हत्या गरेको आरोपमा छोरा पक्राउ

सुरक्षा-अपराध

गृहपृष्ठ
सुरक्षा-अपराध
फरुवाले हानेर आफ्नै आमाको हत्या गरेको आरोपमा छोरा पक्राउ

फरुवाले हानेर आफ्नै आमाको हत्या गरेको आरोपमा छोरा पक्राउ

शुक्रबार, कात्तिक १४, २०८२ बागेश्वरी पोस्ट

सुर्खेत । आफ्नै आमाको हत्या आरोपमा प्रहरीले ३० वर्षीय छोरालाई पक्राउ गरेको छ । सुर्खेतको भेरीगंगा नगरपालिका-१२ मसिनाटोलकी ५० वर्षीया धनिकला बस्नेतको हत्या आरोपमा प्रहरीले धनिकलाकै ३० वर्षीय छोरा कबिराम बस्नेतलाई पक्राउ गरेको जिल्ला प्रहरी कार्यालय सुर्खेतले जानकारी दिएको छ ।

सुर्खेत प्रहरीका अनुसार कविरामले फरुवाले हान्दा गम्भीर घाइते भएकी आमा धनिकलाको उपचारका क्रममा वीरेन्द्रनगरस्थित कर्णाली प्रदेश अस्पताल कालागाउँमा मृत्यु भएको हो ।

इलाका प्रहरी कार्यालय छिन्चुबाट खटिएको प्रहरी टोलीले आज बिहान छोरा कविरामलाई नियन्त्रणमा लिएको सुर्खेत प्रहरीले जनाएको छ ।

कविरामले आमा धनिकलाको हत्या गर्नुको कारण अझै नखोलेको र घटनाबारे थप अनुसन्धान अगाडि बढाइएको जिल्ला प्रहरी कार्यालय सुर्खेतले जानकारी दिएको छ ।