पूर्व मन्त्री एवं कांग्रेस नेता मोहम्मद अफताब आलमको निधन

राजनीति

गृहपृष्ठ
राजनीति
पूर्व मन्त्री एवं कांग्रेस नेता मोहम्मद अफताब आलमको निधन

पूर्व मन्त्री एवं कांग्रेस नेता मोहम्मद अफताब आलमको निधन

शनिबार, कात्तिक २२, २०८२ बागेश्वरी पोस्ट

काठमाडौँ । नेपाली कांग्रेसका नेता, पूर्व मन्त्री एवं पूर्व सांसद् मोहम्मद अफताब आलमको निधन भएको छ ।

रौतहट घर भएका पूर्व मन्त्री आलमको काठमाडौँ मेडिकल कलेजमा उपचारको क्रममा आज बिहान साढे २ बजे निधन भएको पारिवारिक स्रोतले जानकारी दिएको छ ।

स्वास्थ्य अवस्थामा गम्भीर समस्या देखिएपछि केही दिनयता आलमको भेन्टिलेटरमा राखेर उपचार भइरहेको थियो । मिर्गौला फेल भएकोले उनको निरन्तर डायलाइसिस भइरहेको थियो ।

विगतमा रौटहतबाट प्रतिनिधिसभामा प्रतिनिधित्व गर्ने उनले केही समय वन तथा वातावरण र श्रम तथा रोजगार मन्त्रीको जिम्मेवारी सम्हालेका थिए ।‍

आलमलाई रौतहटको राजापुरमा २०६४ चैत २७ गते भएको बम विस्फोटका घाइते पिन्टु भनिने त्रिलोकप्रताप सिंह राजपुत र ओसी अख्तरलाई इँटा भट्टामा जलाएर हत्या गरेको कसुरमा जिल्ला अदालतले २०८१ वैशाख १३ गते जन्मकैदको सजाय सुनाएको थियो ।

त्यसविरुद्ध आलमले गरेको पुनरावेदनमा गत १४ जेठमा सुनुवाइ गर्दै वीरगन्ज उच्च अदालतका न्यायाधीशद्वय खुशीप्रसाद थारु र अर्जुन महर्जनको इजलासले जिल्ला अदालतको फैसला उल्ट्याएपछि त्यसैदिन नख्खु कारागारबाट छुटेका थिए । कारागारबाट छुटे लगत्तै उनको स्वास्थ्यमा निरन्तर समस्या देखिन थालेको थियो ।

प्रकाशित मिति: शनिबार, कात्तिक २२, २०८२ ०९:५२

प्रतिक्रिया दिनुहोस्