नेपालगन्ज भन्सारमा मूल्यांकन डाटाबेस प्रणाली सञ्चालन

अर्थ

गृहपृष्ठ
अर्थ
नेपालगन्ज भन्सारमा मूल्यांकन डाटाबेस प्रणाली सञ्चालन

नेपालगन्ज भन्सारमा मूल्यांकन डाटाबेस प्रणाली सञ्चालन

आइतबार, मंसिर २१, २०८२ बागेश्वरी पोस्ट

नेपालगन्ज । अर्थमन्त्री रामेश्वर खनालले मूल्यांकन डाटाबेस प्रणाली सञ्चालन गरिएपछि अवाञ्छित क्रियाकलाप रोकिने बताएका छन् । आइसिपी नेपालगन्जमा आज मूल्यांकन डाटाबेस प्रणालीको शुभारम्भ गर्दै उनले विराटनगर, बिरगन्ज र भैरहवा भन्सारपछि नेपालगन्जमा यो प्रणाली लागू गरिएको बताए । उहाँले यसले व्यवसायको लागत घटाउनुका साथै पारदर्शी समेत गराउने बताए । मन्त्री खनालले यो प्रणालीपछि अन्तर्राष्ट्रिय अभ्यासबाट विमुख नहुने बताए । उनले अब ७५३ वटै स्थानीय तहबाट करदाता सेवा सुरु गर्न लागिएको जानकारी समेत दिए ।

भन्सार विभागका महानिर्देशक श्याम प्रसाद भण्डारी, राजश्वका सचिव भुपाल बराल, एडिबीका परामर्शदाता निर्मल हरि अधिकारीले यो प्रणालीपछि मूल्यांकन प्रकिया छिटो हुने र भन्सार मूल्यांकनमा एकरुपता आउने बताए । अर्थमन्त्री खनालले आजै कोहलपुरमा रहेको राजश्व कार्यालय, नेपालगन्जको आन्तरिक राजश्व, कोलेनिकाको अनुगमन गर्नुका साथै नेपालगन्ज उद्योग बाणिज्य संघमा पुगेर व्यापारीसँग अन्तरक्रिया समेत गरेका थिए ।

प्रकाशित मिति: आइतबार, मंसिर २१, २०८२ २१:२९

प्रतिक्रिया दिनुहोस्