सयौं नेपालीहरु सिमामा, गौरीफण्टामा प्रहरीको लाठी चार्ज

समाचार

गृहपृष्ठ
समाचार
सयौं नेपालीहरु सिमामा, गौरीफण्टामा प्रहरीको लाठी चार्ज

सयौं नेपालीहरु सिमामा, गौरीफण्टामा प्रहरीको लाठी चार्ज

मंगलबार, चैत ११, २०७६ बागेश्वरी पोस्ट

डोकेबजार( कञ्चनपुर) । भारतबाट घर फर्कन नेपाल भारत सीमा नाका गौरीफन्टा भएर कञ्चनपुरको डोकेबजार पुगेका सयौं नेपालीहरु नेपालमा लक डाउन भएकले सीमा क्षेत्रमा फसेका छन् ।

अलपत्र नेपालीहरु लकडाउनको अवज्ञा गर्दै नेपाल धनगढी तर्फ भित्रिन खोजेपछि लाठी चार्ज भएको छ । स्थिति नियन्त्रणमा लिन लाठी चार्ज गर्नु परेको बताइएको छ ।

नाकामा अलपत्र परेका सयौँ नेपाली सुरक्षा घेरा छिचोल्दै नेपाल प्रवेश गर्न थालेका छन्। उनीहरु दशगजा क्षेत्रबाट नेपाली भूमिमा प्रवेश गरिसकेका छन् । सीमा संगैको मोहना पुलमा नेपाल प्रहरी र सशस्त्र प्रहरीले उनीहरुलाई रोक्ने प्रयास गरिरहेको छ।

यद्यपि कतिपय नेपालीहरु भने भागेर नेपाल प्रवेश गरिसकेका छन् । भारतका बिभिन्न प्रान्तबाट सोमबार साँझ कञ्चनपुर कैलालीसंगै जोडिएको भारतीय नाका गौरीफन्टा र पश्चिमी नाका बनवासा गड्डाचौकी पुगेका सयौं नेपालीहरु लक डाउनका कारण नेपाल प्रबेश गर्न पाएका छैनन् ।

अलपत्र यात्रुहरुले रातभरी सीमामाको खुल्ला चौरमा रात गुजारेका थिए । सोमबार रातिदेखि आफुहरुले केही खान नपाएको गुनासो गरे । रातभर भोकै रहेका उनीहरुले नेपाल प्रवेश गर्न पाउनु पर्ने भन्दै सीमा क्षेत्रमा नाराबाजीसमेत गरिरहेका छन् । कैलालीका प्रमुख जिल्ला अधिकारी यज्ञराज बोहराले सीमामा रहेका नेपालीहरुको व्यवस्थापनका लागि पहल भईरहेको बताए ।

प्रकाशित मिति: मंगलबार, चैत ११, २०७६ १०:४२

प्रतिक्रिया दिनुहोस्