सशस्त्र प्रहरीका तीन एआईजीको जिम्मेवारी हेरफेर ( कसको कहाँ )

सुरक्षा-अपराध

गृहपृष्ठ
सुरक्षा-अपराध
सशस्त्र प्रहरीका तीन एआईजीको जिम्मेवारी हेरफेर ( कसको कहाँ )

सशस्त्र प्रहरीका तीन एआईजीको जिम्मेवारी हेरफेर ( कसको कहाँ )

मंगलबार, पुस १, २०८२ बागेश्वरी पोस्ट

काठमाडौं । सशस्त्र प्रहरी बलका तीन जना एआईजीहरुको सरुवा भएको छ । मन्त्रिपरिषद् बैठकले सशस्त्र प्रहरीका एआईजी नारायणदत्त पौडेललाई सरुवा गर्दै मानव स्रोत विभागको जिम्मेवारी दिएको छ । सशस्त्र प्रहरीका सबैभन्दा सिनियर एआईजी पौडेल यसअघि कार्य विभागमा थिए ।

त्यसैगरी सरकारले अर्का एआईजी बंशीराज दाहालको मानव स्रोत विभागबाट सीमा सुरक्षा विभागमा सरुवा गरेको छ । अर्का एआईजी गणेश बहादुर ठाडा मगरलाई सीमा सुरक्षा विभागबाट कार्य विभागको जिम्मेवारी दिइएको छ ।

सशस्त्र प्रहरी बल नेपालमा एआईजी तहमा मानव स्रोत, कार्य तथा सीमा सुरक्षा गरी तीन प्रमुख विभाग रहेका छन् । सोही संरचना अनुसार एआईजीहरूको जिम्मेवारी परिवर्तन हुँदै आएको छ ।

एआईजीको सरुवा सामान्यतया एक वर्षमा हुने गरे पनि यसपटक भने एक वर्षको समय भन्दा बढी अन्तरालपछि सरुवा गरिएको हो ।

प्रकाशित मिति: मंगलबार, पुस १, २०८२ १७:१८

प्रतिक्रिया दिनुहोस्