होटल पौवाले 'न्यु इयर इभ' गर्दै

अर्थ

गृहपृष्ठ
अर्थ
होटल पौवाले 'न्यु इयर इभ' गर्दै

होटल पौवाले 'न्यु इयर इभ' गर्दै

मंगलबार, पुस १५, २०८२ बागेश्वरी पोस्ट

नेपालगञ्ज । होटल पौवाले 'न्यु इयर इभ' गर्दैछ । अंग्रेजी नयाँ वर्ष सन् २०२६ को अवसरमा बाँकेको जानकी-३ स्थित होटल पौवाले 'न्यु इयर इभ' गर्न लागेको जनाएको छ । आज आयोजित पत्रकार भेटघाटमा होटलका जनरल म्यानेजर गिरीराज पाण्डेले पारिवारिक वातावरणमा अंग्रेजी नयाँ वर्ष विशेष कार्यक्रम गर्न लागिएको जानकारी दिए । पाण्डेका अनुसार कार्यक्रममा निःशुल्क प्रवेश गर्ने ब्यवस्था मिलाइएको छ । बुधबार बेलुका ७ बजेबाट सुरु हुने कार्यक्रम मध्यराती १२ बजेसम्म चल्नेछ । कार्यक्रममा चर्चित गायक करण परियार, निशान भट्टराई र दिप काफ्ले तथा गायिका सदिक्षा कट्टेलको प्रस्तुति रहनेछ ।

होटल प्रांगणमा सञ्चालन हुने कार्यक्रम अवलोकन गर्न आउने दर्शकले सहुलियत दरमा १ सय रुपैयाँदेखि ५ सय सम्मका परिकार खान पाउने गरी स्टल राखिने पाण्डेले जानकारी दिए । चिसो मौसमलाई मध्यनजर गर्दै कार्यक्रम स्थलमा टेण्ट र 'क्याम्प फायर' को ब्यवस्था पनि गरिएको पाण्डेले बताए । होटलका पब्लिक रिलेशन म्यानेजर नेत्र प्रसाद भण्डारीले स्वागत गरेको कार्यक्रममा एजुकेटिभ सेफ दिपक भण्डारीको पनि उपस्थिति थियो । होटल पौवाले नेपालगञ्जमा पाँच तारे स्तरको सेवा दिने उद्देश्यसहित पूर्वाधार निर्माणको काम पनि गरिरहेको छ ।

पौवाले हाल देशभर १७ वटा शाखा सञ्चालन गरिरहको छ । होटल पौवाका शेयर सदस्य समेत रहेका अग्रज पत्रकार शरण कर्माचार्यले सञ्चालन गरेको पत्रकार भेटघाटमा नेपाल पत्रकार महासंघ बाँकेका अध्यक्ष नवीन गिरीले नौलो पहिचानका साथ ग्राहकमैत्री सेवा दिन सकेकोमा पौवालाई बधाई दिँदै थप परिमार्जन र सेवा भावका साथ अगाडि बढ्न पौवा व्यवस्थापनलाई सुझाव दिए । गिरीले अन्य होटलमा आयोजना हुने 'न्यु इयर इभ' भन्दा होटल पौवामा हुन लागेको कार्यक्रम केही फरक देखिएको बताए ।

प्रकाशित मिति: मंगलबार, पुस १५, २०८२ २०:१३

प्रतिक्रिया दिनुहोस्