चैतमा 'नेपालगञ्ज स्ट्रिट फुड एण्ड बेभरेज फेस्टिभल' हुने

अर्थ

गृहपृष्ठ
अर्थ
चैतमा 'नेपालगञ्ज स्ट्रिट फुड एण्ड बेभरेज फेस्टिभल' हुने

चैतमा 'नेपालगञ्ज स्ट्रिट फुड एण्ड बेभरेज फेस्टिभल' हुने

शुक्रबार, माघ ९, २०८२ बागेश्वरी पोस्ट

नेपालगञ्ज । आगामी चैतमा 'नेपालगञ्ज स्ट्रिट फुड एण्ड बेभरेज फेस्टिभल' हुने भएको छ । नेपालगञ्ज उपमहानगरपालिका वाटरपार्कमा चैत्र २०, २१ र २२ गते ३ दिनसम्म 'नेपालगञ्ज स्ट्रिट फुड एण्ड बेभरेज फेस्टिभल' हुने भएको हो । होटल व्यवसायी संघ बाँके नेपालगञ्ज र होटल संघ बाँकेको संयुक्त आयोजनामा फेस्टिभल गरिनेछ । स्ट्रिट फुड एण्ड बेभरेज फेस्टिभल आयोजनाका विषयमा आज सरोकारवालाहरुबीच छलफल गरिएको छ । फेस्टिभललाई सफलतापूर्वक सम्पन्न गर्न विभिन्न समिति एवम् उपसमिति बनाएर काम गरिने आयोजनाको भनाई छ । फेस्टिबल सम्पन्न गर्न करीब ४६ लाख खर्च हुने अनुमान गरिएको छ ।

May be an image of one or more people, people studying and text

छलफलबाट प्राप्त पृष्ठपोषण र सुझाबहरुका आधारमा फेस्टिभललाई सुब्यवस्थित ढंगले सञ्चालन गरिने होटल संघ बाँकेका अध्यक्ष दिवाकर खनालले बताए । छलफल कार्यक्रममा होटल व्यवसायी, पर्यटन ब्यवसायी, उद्योगी, व्यवसायी, सञ्चारकर्मी लगायतहरुसँग सुझाव संकलन गरिएको थियो । होटल ब्यवसायी संघ बाँकेका अध्यक्ष भिमलाल कँडेलको अध्यक्षतामा छलफल सम्पन्न भएको थियो । हानका केशव न्यौपानले फेस्टिभलको तयारी र योजनाबारे जानकारी गराएका थिए । फेस्टिभलले नेपालगञ्जको आर्थिक एवम् पर्यटन गतिविधिलाई चलायमान बनाउने विश्वास गरिएको छ ।

प्रकाशित मिति: शुक्रबार, माघ ९, २०८२ २१:३२

प्रतिक्रिया दिनुहोस्