क्वारेन्टाइन तोडफोड गरी फरार ११ जना फेला

समाचार

गृहपृष्ठ
समाचार
क्वारेन्टाइन तोडफोड गरी फरार ११ जना फेला

क्वारेन्टाइन तोडफोड गरी फरार ११ जना फेला

बुधबार, चैत १२, २०७६ बागेश्वरी पोस्ट

नेपालगन्ज । नेपालगन्ज बहुमुखी क्याम्पसबाट सोमबार क्वारेन्टाइन तोडफोड गरी भागेका मध्ये ११ जना जाजरकोटमा पुगेको पाइएको छ । जिल्लाको भेरी नगरपालिका–११ मा ११ जना बेलुकी राति पुगेको नगरपालिका प्रमुख चन्द्रप्रकाश घर्तीले जानकारी दिए ।

नगर प्रमुख घर्तीका अनुसार भागेर आउनेमा भेरी –११ का मदे लोहार, माया लोहार, केशरे लोहार, कुमारो लोहार, लीले खड्का, परवीर महतारालगायत छन् । उनीहरु क्याम्पसबाट तोडफोड गरी फरार भएका थिए । भेरी नगरपालिकाबाहेक शिवालय जुनिचाँदेमा समेत उनीहरुमध्ये प्रवेश गरेको आशङ्का गरिएको छ ।

जानकारीमा आएका ११ जनालाई स्थानीय प्रशासन र नगरपालिकाको पहलमा क्वारेन्टाइनमा राख्नका लागि चाँजोपाँजो भएको छ ।

प्रकाशित मिति: बुधबार, चैत १२, २०७६ ०९:०३

प्रतिक्रिया दिनुहोस्