लकडाउनका कारण नमुना पठाउन समस्या

समाचार

गृहपृष्ठ
समाचार
लकडाउनका कारण नमुना पठाउन समस्या

लकडाउनका कारण नमुना पठाउन समस्या

सेती अस्पतालको आइसोलेसनमा ८ जना भर्ना

बुधबार, चैत १२, २०७६ बागेश्वरी पोस्ट

धनगढी । प्रादेशिक अस्पतालको आईसोलेसन कक्षमा अहिले कोरोनको सम्भावित लक्षण देखिएका ८ जना भर्ना भएका छन् ।

भारत, कतारलगायतका देशबाट फर्किएका ८ जनालाई ज्वरो आएपछि आईसोलेसन कक्षमा भर्ना गरिएको हो । सेती अस्पतालको इमर्जेन्सी विभागका प्रमुख डा.जगदिश जोशीले उनीहरुलाई आईसोलेसन वार्डमा राखेर रगतको नमुना संकलन गरिएको बताए । तर, लकडाउनका कारण पठाउन भने समस्या भईरहेको उनले जानकारी दिए ।

उनले भने, ‘हिजो मंगलबार सम्ममात्र ७ जना आइसोेलेसनमा थिए, आज एक जना थपिएका छन । उनीहरुको स्याम्पल संकलनको काम गरिरहेका छौं । तर परीक्षणका लागि काठमाडौं पठाउन समस्या भइरहेको छ ।’

यसअघि सुदूरपश्चिमका अस्पतालहरुले संकलन गरेको स्याम्पल प्रदेश जनस्वास्थ्य प्रयोगशाला हुँदै राष्ट्रिय जनस्वास्थ्य प्रयोगशालामा पठाउने गरिएको थियो । लकडाउनपछि स्याम्पल पठाउन नसकिएको उनले बताए ।

डा.जोशीले भने, ‘यसअघि धनगढी–काठमाडौं सञ्चालन हुने विमान मार्फत स्याम्पल पठाउने गरेका थियौं । तर अहिले लकडाउनपछि सबै हवाई सेवा पनि ठप्प छ । कसरी पठाउने भन्नेबारे छलफल भईरहेको छ ।’

सुदूरपश्मिच प्रदेशमा कोरोना परीक्षणको व्यवस्था नहुँदा स्याम्पल काठमाडौं पठाउनुपर्ने बाध्यता रहेको छ ।

प्रकाशित मिति: बुधबार, चैत १२, २०७६ ११:४९

प्रतिक्रिया दिनुहोस्