रुपैडियामा अलपत्र ५७ नेपालीको उद्दार

समाचार

गृहपृष्ठ
समाचार
रुपैडियामा अलपत्र ५७ नेपालीको उद्दार

रुपैडियामा अलपत्र ५७ नेपालीको उद्दार

बुधबार, चैत १२, २०७६ बागेश्वरी पोस्ट

सुर्खेत । कर्णाली प्रदेश सरकारले नेपाल–भारतको सीमा क्षेत्र रुपैडियाबाट ५७ जनाको उद्दार गरेको छ । ‘लकडाउन’ का कारणले रुपैडीयामा अलपत्र परेका कर्णालीका ५७ जनाको उद्दार गरेको हो ।

कर्णाली प्रदेश सरकारले नेपाल–भारतबाट उद्दार गरिएकालाई सुर्खेतको वीरेन्द्रनगरमा रहेको होटेल अशोकामा राखिएको छ । उद्दार गरिएकामध्ये तीन जना बालबालिका रहेका छन् ।

कर्णाली प्रदेश सरकारले निःशुल्क हटलाइनमा आएका गुनासाका आधारमा जिल्ला प्रशासन कार्यालय बाँकेसँगको समन्वयमा उद्दार गरिएको हो ।

रुपौडियाबाट उद्दार गरिएकाहरुको स्वास्थ्य जाँच गरिएको र ज्वरोलगायतका कुनै पनि लक्षणहरु नदेखिएको कर्णाली प्रदेशका सामाजिक विकासमन्त्री दल रावलले जानकारी दिए ।

उनले भने, ‘उद्दार गरिएका नागरिकलाई सुर्खेतमा राख्ने वा घर पठाउने भन्ने विषयमा छलफल हुदैँछ ।’

त्यस्तै, कर्णाली प्रदेश सरकारले कन्चनपुरका गड्डाचौकीबाट ४३ जनाको उद्दार गरेको छ । उनीहरु बुधबार दिउसो सुर्खेत पुग्ने छन् ।

प्रकाशित मिति: बुधबार, चैत १२, २०७६ १२:२६

प्रतिक्रिया दिनुहोस्