रिटर्नीलाई उद्यमशील बनाउन 'व्यवसायिक योजना निर्माण तालिम'

अर्थ

गृहपृष्ठ
अर्थ
रिटर्नीलाई उद्यमशील बनाउन 'व्यवसायिक योजना निर्माण तालिम'

रिटर्नीलाई उद्यमशील बनाउन 'व्यवसायिक योजना निर्माण तालिम'

बुधबार, चैत ११, २०८२ बागेश्वरी पोस्ट

नेपालगञ्ज । बैदेशिक रोजगारीबाट फर्किएका ब्यक्ति (रिटर्नी) लाई उद्यमशील बनाउने उद्देश्यले ब्यवसायिक योजना निर्माण तालिम दिइएको छ । नेपालगञ्ज उपमहानगरपालिकाले २८ जना रिटर्नीलाई ब्यवसायिक योजना निर्माण तालिम प्रदान गरेको छ । नगर स्तरीय आप्रवासी श्रमिक संरक्षण सञ्जाल नेपालगञ्ज उपमहानगरपालिकाको सहकार्यमा नेपालगञ्ज उपमहानगरपालिका रोजगार सेवा केन्द्रले तालिम आयोजना गरेको हो ।

आन्तरिक रोजगारी प्रबद्र्धन गर्न बैदेशिक रोजगारीबाट फर्किएका ब्यक्तिका लागि उद्यमशिलता प्रबद्र्धन कार्यक्रम अन्तर्गत तीन दिने ब्यवसायिक योजना निर्माण तालिम प्रदान गरिएको रोजगार सेवा केन्द्र प्रमुख मञ्जु ज्ञवालीले बताइन् । तालिम समापन समारोहमा नगर प्रमुख प्रशान्त विष्टले विदेशमा आर्जन गरेको सीप, दक्षता र प्रविधिलाई स्वदेशमै बसेर सदुपयोग गर्दै उद्यमशील बन्न प्रेरित गर्ने उद्देश्यले तालिम दिइएको बताए । विष्टले सिकेको ज्ञानलाई ब्यवहारमा उतार्न आग्रह समेत गरे । उनले व्यवसाय गर्दा योजना निर्माण महत्वपूर्ण पक्ष र आधारशीला भएको भन्दै त्यस अर्थमा तालिम उपयोगी हुने विश्वास ब्यक्त गरे ।

No photo description available.

त्यस अवसरमा बोल्दै आप्रवासी श्रमिक संरक्षण सञ्जाल लुम्बिनी प्रदेश उपाध्यक्ष एवम् सहभागी प्रशिक्षार्थी हिरा खराल, अर्का प्रशिक्षार्थी विक्रम गोडियाले तालिम निकै उपयोगी भएको बताए । प्रशिक्षार्थीहरुलाई विष्टले प्रमाणपत्र प्रदान गरेका थिए । तालिम समापन कार्यक्रममा नेपालगञ्ज उपमहानगरपालिका शिक्षा महाशाखा प्रमुख गोर्ख बहादुर थापा, सामाजिक विकास शाखा प्रमुख कृष्ण प्रसाद जोशी, नेपाल पत्रकार महासंघ बाँके शाखाका अध्यक्ष नवीन गिरी, तालिमका प्रशिक्षक राज बहादुर चौधरी लगायतको उपस्थिति रहेको रोजगार सहायक अनुप बर्माले जानकारी दिए ।

प्रकाशित मिति: बुधबार, चैत ११, २०८२ २०:२८

प्रतिक्रिया दिनुहोस्