डेढ करोडको लगानीमा कोरियनपुरमा खुल्यो ‘हाम्रो मेगा मार्ट’

अर्थ

गृहपृष्ठ
अर्थ
डेढ करोडको लगानीमा कोरियनपुरमा खुल्यो ‘हाम्रो मेगा मार्ट’

डेढ करोडको लगानीमा कोरियनपुरमा खुल्यो ‘हाम्रो मेगा मार्ट’

शुक्रबार, चैत १३, २०८२ बागेश्वरी पोस्ट

नेपालगञ्ज । नेपालगञ्जको कोरियनपुरमा ‘हाम्रो मेगा मार्ट’ सञ्चालनमा आएको छ । मार्टको शुक्रबार रामनवमीको साइत पारेर उद्घाटन गरिएको छ । नगर प्रमुख प्रशान्त विष्टले रिबन काटेर मार्टको उद्घाटन गरेका थिए । त्यस अघि नगर प्रमुख विष्ट, नेपालगञ्ज उद्योग बाणिज्य संघका अध्यक्ष टंक बहादुर धामी र नेपाल पत्रकार महासंघका अध्यक्ष नवीन गिरीले दीप प्रज्वलन गरी उद्घाटन समारोहको शुभारम्भ गरेका थिए । त्यस अवसरमा नगर प्रमुख विष्ट, महासंघ अध्यक्ष गिरी लगायतले शुभकामना मन्तब्य ब्यक्त गरेका थिए । मार्ट सञ्चालक अधिकारीले स्वागत मन्तब्य ब्यक्त गर्दै मार्टबारे जानकारी गराएका थिए ।

झण्डै डेढ करोडको लगानीमा स्थापना गरिएको मार्ट युवा उद्यमी निलराज अधिकारीले सञ्चालन गरेका हुन् । सफा र व्यवस्थित वातावरण तथा मैत्रीपूर्ण सेवासहित ‘हाम्रो मेगा मार्ट’ ले स्थानीय बजारमा प्रतिस्पर्धात्मक र ग्राहकमैत्री सेवा दिने अधिकारीले बताए । स्वदेशी वस्तुको प्रवर्द्धनमा समेत मार्टले विशेष ध्यान दिने उनको भनाई छ । उद्घाटन अवसरमा विभिन्न अफर तथा छुट योजनाहरू घोषणा गरिएको छ ।

प्रकाशित मिति: शुक्रबार, चैत १३, २०८२ २१:०९

प्रतिक्रिया दिनुहोस्