पौवा स्वाद उत्सव सुरु

अर्थ

गृहपृष्ठ
अर्थ
पौवा स्वाद उत्सव सुरु

पौवा स्वाद उत्सव सुरु

बिहीबार, चैत २६, २०८२ बागेश्वरी पोस्ट

नेपालगञ्ज । होटल पौवाको २० वटै शाखामा एक साथ स्वाद उत्सव सुरु भएको छ । स्थापनाको १०औं वर्षको अवसर पारेर ग्राहकहरुलाई निःशुल्क पौवाको स्वाद चखाउने उद्देश्यले स्वाद उत्सव आयोजना गरिएको होटल पौवाले जनाएको छ ।

५ तारेको लक्ष्यसहित तीब्र गतिमा निर्माण भइरहेको पौवाको नेपालगञ्ज शाखामा सञ्चालन गरिएको स्वाद उत्सवको एक कार्यक्रमका बीच नेपालगञ्ज उद्योग बाणिज्य संघका वरिष्ठ उपाध्यक्ष चिरन्जिवी ओलीले उद्घाटन गरे । उत्सवको उद्घाटन कार्यक्रमलाई सम्बोधन गर्दै उपाध्यक्ष ओलीले पौवाले छोटो समयमा आफूलाई नेशनल ब्राण्ड बनाउन सफल भएको बताए । उनले पछिल्लो समय धेरै उपभोक्ताहरुको पहिलो रोजाई होटल पौवा हुने गरेको बताउँदै यो विश्वासलाई कामय राख्न पौवा व्यवस्थापनलाई आग्रह गरे ।

होटल पौवा नेपालगञ्जका महाप्रबन्धक गिरीराज पाण्डेले १० वर्षको अनुभवबाट सिक्दै ग्राहकलाई थप सन्तुष्टि र अपनत्व प्रदान गर्न पौवा टिम प्रतिबद्ध रहेको बताए । १० वर्षको अवधिमा धेरै कुराको सिकाई भएको बताउँदै उनले त्यसबाट शिक्षा लिँदै बितायौं बालापनको नारासहित अझै बढी सेवा भावका साथ पौवा टिम प्रस्तुत हुने जनाए ।

देशभरका २० वटा शाखाबाट ४० हजार बढीलाई स्वाद उत्सवमा आमन्त्रण गरिएको होटल पौवाले जनाएको छ । तीन दिनसम्म चल्ने स्वाद उत्सवमा पौवामा उत्पादन भएका परिकारहरु ग्राहकलाई निःशुल्क खुवाइने पौवा नेपालगन्जका जनसम्पर्क विभागका प्रमुख नेत्र भण्डारीले बताए । उनले हरेक दिन फरक स्वाद चाख्न पाइने गरी व्यवस्थापन गरिएको बताए ।

प्रकाशित मिति: बिहीबार, चैत २६, २०८२ २१:३९

प्रतिक्रिया दिनुहोस्