‘नेपालगञ्ज स्ट्रीट फुड एन्ड बेभरेज फेस्टिबल’ हुँदै

अर्थ

गृहपृष्ठ
अर्थ
‘नेपालगञ्ज स्ट्रीट फुड एन्ड बेभरेज फेस्टिबल’ हुँदै

‘नेपालगञ्ज स्ट्रीट फुड एन्ड बेभरेज फेस्टिबल’ हुँदै

बिहीबार, वैशाख १०, २०८३ बागेश्वरी पोस्ट

नेपालगञ्ज । ‘नेपालगञ्ज स्ट्रीट फुड एन्ड बेभरेज फेस्टिबल–२०८३’ आयोजना हुँदैछ । होटल व्यवसायी संघ बाँके नेपालगञ्ज र होटल संघ नेपाल बाँकेको संयुक्त आयोजनामा हुन लागेको उक्त फेस्टिबलको तयारी अन्तिम चरणमा पुगेको जनाइएको छ । आज साँझ पत्रकार सम्मेलनको आयोजना गरी फेस्टिभलको तयारीबारे जानकारी दिइएको हो ।

फेस्टिबल वैशाख ११ गतेदेखि १३ गतेसम्म नेपालगञ्जको सुर्खेत रोडस्थित सुशील कोइराला स्मृति गेटदेखि पश्चिमतर्फको वाटरपार्क क्षेत्रमा सञ्चालन गरिनेछ । पर्यटन प्रवर्द्धन, स्थानीय परिकारको पहिचान र होटल व्यवसायको विकास गर्ने उद्देश्यले कार्यक्रम आयोजना गर्न लागिएको हो । नेपालगञ्ज लगायत पश्चिम नेपालका स्वदेशी पर्यटकका साथै छिमेकी मुलुक भारतका पर्यटकलाई भित्र्याई नेपालगञ्ज क्षेत्रको पर्यटन प्रबद्र्धन गर्ने उद्देश्य पनि फेस्टिबलको छ ।

आयोजकका अनुसार फेस्टिबलमा स्ट्रीट फुडदेखि पाँच तारे होटलका विभिन्न परिकार एउटै स्थानमा उपलब्ध गराइनेछ । साथै स्थानीय तथा आधुनिक खानाका परिकारसँगै पेय पदार्थ, सांस्कृतिक कार्यक्रम र मनोरञ्जनात्मक गतिविधिहरू पनि समावेश गरिनेछ ।

कार्यक्रममा करिब ४० वटा स्टल रहनेछन् । स्थानीय कलाकारहरूको प्रस्तुति, लाइभ म्युजिक, नृत्य तथा चर्चित कलाकार गायक रामकृष्ण ढकाल, नायक विजय बराल, नायिका बर्षा रावत, हाँस्य कलाकार मेक्सम गौडेल लगायतको सहभागिताले फेस्टिभललाई आकर्षक बनाउने आयोजकको विश्वास छ । फेस्टिबलमार्फत नेपालगञ्जलाई ‘फुड डेस्टिनेशन’का रूपमा चिनाउने, स्थानीय उत्पादन र व्यवसायलाई प्रोत्साहन गर्ने लक्ष्य लिइएको छ । कार्यक्रमको व्यवस्थापनका लागि मूल समिति र उपसमितिहरू सक्रिय रूपमा खटिएको जनाइएको छ ।

May be an image of the Western Wall and text