सोल्टी वेस्टेन्ड प्रिमियर नेपालगञ्जमा पहिलो पटक 'थारु फूड फेस्टिबल' हुने

अर्थ

गृहपृष्ठ
अर्थ
सोल्टी वेस्टेन्ड प्रिमियर नेपालगञ्जमा पहिलो पटक 'थारु फूड फेस्टिबल' हुने

सोल्टी वेस्टेन्ड प्रिमियर नेपालगञ्जमा पहिलो पटक 'थारु फूड फेस्टिबल' हुने

मंगलबार, वैशाख १५, २०८३ बागेश्वरी पोस्ट

नेपालगञ्ज । सोल्टी वेस्टेन्ड प्रिमियर नेपालगञ्जले पहिलो पटक 'थारु फूड फेस्टिबल' आयोजना गर्न लागेको छ । आज पत्रकार सम्मेलन गरेर फूड फेस्टिबलबारे जानकारी दिइएको छ । थारु समुदायको मौलिक स्वाद र सांस्कृतिक सम्पदालाई उत्सवका रूपमा प्रस्तुत गर्न कार्यक्रम समर्पित रहेको सोल्टीले जनाएको छ ।

यो फेस्टिबल २०२६ अप्रिल ३० देखि मे २ अर्थात बैशाख १७ देखि १९ सम्म आयोजना हुनेछ । यसमा अनुभवी सेफहरूले तयार पारेका विभिन्न परम्परागत थारु परिकारहरू प्रस्तुत गरिनेछन्, जसले थारु संस्कृति र परम्परालाई झल्काउने वातावरण सिर्जना गर्ने होटलका महाप्रबन्धक राजविक्रम शाहले बताए । कार्यक्रमको उद्देश्य पाहुनाहरूलाई थारु खानाको समृद्ध परम्परासँग परिचित गराउनुका साथै स्थानीय बासिन्दा र आगन्तुकहरूलाई यसको विशेष स्वाद, प्रस्तुति र सांस्कृतिक महत्व अनुभव गर्ने अवसर प्रदान गर्नु रहेको शाहको भनाई छ ।

फेस्टिबल सबैका लागि पहुँचयोग्य बनाउन प्रवेश निःशुल्क रहने होटलले जनाएको छ । साथै पाहुनाहरूले रु. ५०० का 'रिडिम गर्न मिल्ने' फूड भाउचर खरिद गर्न सक्नेछन्, जसबाट कार्यक्रममा उपलब्ध परिकारहरूको स्वाद लिन सकिन्छ । सांस्कृतिक अनुभवलाई अझ समृद्ध बनाउन हरेक साँझ ९ बजेदेखि १० बजेसम्म थारु सांस्कृतिक नृत्य प्रस्तुत गरिने बताइएको छ ।

प्रकाशित मिति: मंगलबार, वैशाख १५, २०८३ २१:४०

प्रतिक्रिया दिनुहोस्