प्रेस काउन्सिलको अध्यक्षमा उमेश श्रेष्ठ र दूरसञ्चार प्राधिकरणको अध्यक्षमा अर्जुन घिमिरे

राजनीति

गृहपृष्ठ
राजनीति
प्रेस काउन्सिलको अध्यक्षमा उमेश श्रेष्ठ र दूरसञ्चार प्राधिकरणको अध्यक्षमा अर्जुन घिमिरे

प्रेस काउन्सिलको अध्यक्षमा उमेश श्रेष्ठ र दूरसञ्चार प्राधिकरणको अध्यक्षमा अर्जुन घिमिरे

सोमबार, असार २९, २०८३ बागेश्वरी पोस्ट

बायाँबाट क्रमशः घिमिरे र श्रेष्ठ

काठमाडौँ । सरकारले प्रेस काउन्सिल नेपालको अध्यक्षमा उमेश श्रेष्ठ र नेपाल दूरसञ्चार प्राधिकरणको अध्यक्षमा अर्जुन घिमिरेलाई नियुक्त गरेको छ ।

मन्त्रिपरिषद्को असार २४ गते बसेको बैठकको निर्णय अनुसार दुवै जनालाई नियुक्त गरिएको हो । सोमबार आयोजित कार्यक्रममा सञ्चार तथा सूचना प्रविधिमन्त्री डा. विक्रम तिमिल्सिनाले श्रेष्ठ र घिमिरेलाई नियुक्तिपत्र हस्तान्तरण गरेका हुन् ।

नियुक्तिपत्र प्रदान गर्दै मन्त्री तिमिल्सिनाले प्रतिस्पर्धात्मक छनोट प्रक्रियामार्फत जिम्मेवारीमा पुगेका दुवै अध्यक्षबाट सम्बन्धित संस्थाको कार्यसम्पादन अझ प्रभावकारी हुने विश्वास व्यक्त गरे । उनले नियामक निकायहरूले निष्पक्ष, पारदर्शी र परिणाममुखी ढङ्गले आफ्नो जिम्मेवारी निर्वाह गर्नुपर्नेमा जोड दिए ।

उनका अनुसार सिफारिस समितिले क्षमता, कार्यदक्षता र जिम्मेवारी बहन गर्न सक्ने आधारमा अन्य उम्मेदवारको तुलनामा श्रेष्ठ र घिमिरेलाई उपयुक्त ठहर गर्दै सिफारिस गरेको थियो । सरकारले सोही सिफारिसका आधारमा उनीहरूलाई सम्बन्धित निकायको नेतृत्वको जिम्मेवारी दिएको हो ।

प्रकाशित मिति: सोमबार, असार २९, २०८३ १७:५३

प्रतिक्रिया दिनुहोस्