पत्रकार शाह र गैरे सम्मानित

अर्थ

गृहपृष्ठ
अर्थ
पत्रकार शाह र गैरे सम्मानित

पत्रकार शाह र गैरे सम्मानित

शनिबार, साउन ३०, २०८३ बागेश्वरी पोस्ट

नेपालगन्ज । नेपालगन्ज उद्योग वाणिज्य संघको ३४औँ र ३५औँ वार्षिक साधारणसभा शनिबार नेपालगन्जमा सम्पन्न भएको छ । साधारणसभाको उद्घाटन सत्रमा पत्रकारितासहित विभिन्न क्षेत्रमा योगदान पुर्‍याएका व्यक्तित्वलाई सम्मान गरिएको छ ।

संघले प्रदान गर्दै आएको ‘उत्कृष्ट पत्रकारिता पुरस्कार’ हिमालय टेलिभिजनका नेपालगन्ज संवाददाता निशा शाहलाई प्रदान गरिएको छ । शाहलाई दोसल्ला, सम्मानपत्र र नगद ११ हजार रुपैयाँसहित सम्मान गरिएको हो ।

यस्तै, ‘नवोदित पत्रकार पुरस्कार’ दैनिक नेपालगन्जका पत्रकार सजल गैरेलाई प्रदान गरिएको छ । गैरेलाई दोसल्ला, सम्मानपत्र र नगद ५ हजार १ सय रुपैयाँसहित सम्मान गरिएको थियो ।

कार्यक्रमका प्रमुख अतिथि नेपाल उद्योग वाणिज्य महासंघका वरिष्ठ उपाध्यक्ष सुरकृष्ण वैद्य र नेपालगन्ज उद्योग वाणिज्य संघका अध्यक्ष टंक धामी लगायतले सम्मानित पत्रकारलाई पुरस्कार तथा सम्मानपत्र प्रदान गरेका थिए ।

साधारणसभाको उद्घाटन सत्रमा विभिन्न व्यक्तित्वले शुभकामना मन्तव्य व्यक्त गरेका थिए । कार्यक्रममा महासचिव भीमबहादुर रानाभाटले कार्यक्रम सञ्चालन गरेका थिए भने प्रथम उपाध्यक्ष चिरञ्जीवी ओलीले स्वागत मन्तव्य व्यक्त गरेका थिए ।

संघका अध्यक्ष धामीको अध्यक्षतामा सम्पन्न साधारणसभामा नेपाल उद्योग वाणिज्य महासंघका वरिष्ठ उपाध्यक्ष वैद्यको प्रमुख आतिथ्यता रहेको थियो ।

प्रकाशित मिति: शनिबार, साउन ३०, २०८३ २२:०२

प्रतिक्रिया दिनुहोस्