पाकिस्तानी पूर्वप्रधानमन्त्री सरीफलाई हृदयाघात

विश्व

गृहपृष्ठ
विश्व
पाकिस्तानी पूर्वप्रधानमन्त्री सरीफलाई हृदयाघात

पाकिस्तानी पूर्वप्रधानमन्त्री सरीफलाई हृदयाघात

शनिबार, कात्तिक ९, २०७६ एजेन्सी

पाकिस्तान । पाकिस्तानको लाहुरस्थित सर्भिसेस हस्पिटलमा उपचाररत पूर्वप्रधानमन्त्री नवाज सरिफलाई उपचारकै क्रममा हृदयघात भएको पाकिस्तानी वरिष्ठ पत्रकार हमिद मिरले जानकारी दिएका छन् ।

“पूर्वप्रधानमन्त्री सरिफलाई हृदयाघात भएको छ तर चिकित्सकको उपचारपछि उहाँ यसबाट बाँच्न सफल हुनुभएको छ । यद्यपि अहिले उहाँले निकै कमजोर महशुस गर्नुभएको छु अस्पतालका चिकित्सकलाई उद्धृत गरी ट्वीटमार्फत उनले जानकारी गराएका छन् ।

पाकिस्तानी समाचार संस्था जिओ न्यूजले पूर्वप्रधानमन्त्री सरिफको स्वास्थ्य उनलाई अस्पताल पु¥याइँदा नै निकै बिग्रिएको थियो । उनको रगतमा प्लेटलेटको सङ्ख्या निकै कम भएको अवस्थामा यसै हप्ता अस्पताल पु¥याइएको बताइएको छ ।

स्थानीय सञ्चारमाध्यमबाट सम्प्रेषित समाचारमा सरीफलाई नयाँ रगतमार्फत प्लेटलेट दिएपछि उनको प्लेटलेट सङ्ख्या सामान्य अवस्थामा फर्किएको बताइए पनि शनिबार फेरि प्लेटलेटको सङ्ख्या कमी देखिएको थियो । उनलाई शनिबार पनि प्लेटलेट दिर्इ उपचार भइरहेको छ ।

विभिन्न भ्रष्टाचार अभियोगमा जेल हालिएका पूर्वप्रधानमन्त्री सरिफको स्वास्थ्यमा गम्भीर समस्या देखिएको भन्दै लाहोर उच्च अदालतले उपचारका लागि उनलाई जमानतमा रिहा गर्न आदेश दिएको थियो । जमानतमा रिहा हुनका लागि पाकिस्तानी पूर्वप्रधानमन्त्रीले एक करोड पाकिस्तानी रूपैयाँ बराबरको जमानतपत्र बुझाउनुपर्नेछ ।

रगतसम्बन्धी समस्या (थ्रोम्वोसाइटोपेनिया)को समाधानका लागि जेलमा रहेका सरिफलाई अस्पताल भर्ना गरिएको थियो र यसपहिले बिहीबार दिइएको जानकारीमा स्थितिमा सुधार आएको जनाइएको थियो । तर उनको स्वास्थ्यावस्था निकै कमजोर भएको एएनआईले जनाएको छ ।

प्रकाशित मिति: शनिबार, कात्तिक ९, २०७६ २०:५७

प्रतिक्रिया दिनुहोस्