महाकाली नदीमा हाम फालेकी एक महिलाको सुरक्षाकर्मीद्वारा उद्दार

समाचार

गृहपृष्ठ
समाचार
महाकाली नदीमा हाम फालेकी एक महिलाको सुरक्षाकर्मीद्वारा उद्दार

महाकाली नदीमा हाम फालेकी एक महिलाको सुरक्षाकर्मीद्वारा उद्दार

आइतबार, वैशाख १४, २०७७ बागेश्वरी पोस्ट

दार्चुला । आज बिहान महाकाली नदीमा हाम फालेकी एक जना महिलालाई सुरक्षाकर्मीले उद्दार गरेको छ। व्याँस गाउँपालिका १ की ३० वर्षीया सपना तिंकरी ऐतवालको सशस्त्र प्रहरी र नेपाल प्रहरीको टोलीले उद्धार गरेको छ ।

नदीमा बग्दै आएकी ऐतवाललाई महाकाली नगरपालिका वडा नम्बर ५ गल्फै क्षेत्रबाट उद्धार गरि जिल्ला अस्पताल पुर्याइएको सशस्त्र प्रहरी वल नेपाल नम्बर ५० गुल्म हेडक्वाटर दार्चुलाका गुल्मपति डम्बर बहादुर विष्टले जानकारी दिए ।

उनको अहिले जिल्ला अस्पताल दार्चुलामा उपचार भइरहेको तथा अवस्था गम्भीर रहेको अस्पताल श्रोतले जनाएको छ । उनलाई छिट्टै अन्यत्रै रेफर गर्नुपर्ने देखिएको जिल्ला अस्पताल दार्चुलाका डा गजेन्द्र दुवालले बताए ।

उनले आइतबार बिहान ६ः३० बजेतिर महाकाली नगरपालिकाको वडा नम्बर ४ दुमपानीबाट हाम फालेको सशस्त्र प्रहरीले जनाएको छ । उनले किन नदीमा हाम फाले भन्ने बुझिएको छैन । ऐतवाल हाल महाकाली नगरपालिका वडा नम्बर ४ तिंकरखेडामा बस्दै आएकी छिन् ।

प्रकाशित मिति: आइतबार, वैशाख १४, २०७७ ११:१४