लकडाउनमा मापसे गरेर डिभाइडर फुटाएपछि उधोग बाणिज्य महासंघ सुदूरपश्चिम् अध्यक्ष पक्राउ

समाचार

गृहपृष्ठ
समाचार
लकडाउनमा मापसे गरेर डिभाइडर फुटाएपछि उधोग बाणिज्य महासंघ सुदूरपश्चिम् अध्यक्ष पक्राउ

लकडाउनमा मापसे गरेर डिभाइडर फुटाएपछि उधोग बाणिज्य महासंघ सुदूरपश्चिम् अध्यक्ष पक्राउ

मंगलबार, वैशाख १६, २०७७ बागेश्वरी पोस्ट

कैलाली । उद्योग वाणिज्य महासंघ सुदूरपश्चिमका अध्यक्ष शंकर बोगटीलाई प्रहरीले नियन्त्रणमा लिएको छ ।

उनलाई लकडाउनको समयमा मदिरा सेवन गरी सडकमा राखिएका ट्राफिक डिभाइडर फुटाएपछि प्रहरीले नियन्त्रणमा लिएको हो ।कैलाली उद्योग बाणिज्य संघका निर्वतमान अध्यक्षसमेत रहेका बोगटीलाई मध्यरातमा नियन्त्रणमा लिएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक दक्ष बस्नेतले बताए ।

इलाका प्रहरी कार्यालय मलाखेतीले बोगटीलाई नियन्त्रणमा लिएर जिल्ला प्रहरी कार्यालयको जिम्मा लगाएको थियो । कोरोनाको कारणले थुनामा राख्न नसकिने भन्दै प्रहरीले उनलाई राति १ बजेनै परिवारको जिम्मा लगाएको थियो । बोगटीलाई थुनामा नराखी मुद्धा चलाउने प्रहरीको तयारी छ ।

‘कोरोनाको त्रास छ त्यसैले उहाँलाई परिवारको जिम्मा लगाएका छौँ’ प्रहरी उपरीक्षक बस्नेतले भने,‘ थुनामा नराखे पनि उहाँमाथि मुद्धा दायर हुन्छ । ’ उनीविरुद्ध अभद्र व्यवहारमा मुद्धा चलाउने तयारी भइरहेको उनले जानकारी दिए ।अनलाइनखबरबाट।

प्रकाशित मिति: मंगलबार, वैशाख १६, २०७७ ११:२४

प्रतिक्रिया दिनुहोस्