‘आइएस’द्वारा बग्दादी मारिएको पुष्टि, अल हाशेमी नयाँ नेता चयन

विश्व

गृहपृष्ठ
विश्व
‘आइएस’द्वारा बग्दादी मारिएको पुष्टि, अल हाशेमी नयाँ नेता चयन

‘आइएस’द्वारा बग्दादी मारिएको पुष्टि, अल हाशेमी नयाँ नेता चयन

शुक्रबार, कात्तिक १५, २०७६ एजेन्सी

अबु बकर अल-बग्दादी

नेपालगन्ज । जिहादी समूह इस्लामिक स्टेट (आइएस)ले आफ्ना नेता अबु बकर अल-बग्दादीको मृत्यु भएको पुष्टि गरेको छ ।

बग्दादीको मृत्युसँगै आइएसले अबु इब्राहिम अल–हाशेमी अल कुराशीलाई नयाँ नेता चयन गरेको जनाएको छ । सिरियामा अमेरिकी सेनाको विशेष फौजले कारबाही गरेपछि गएको शनिबार अल बग्दादीले आत्मघाती विस्फोट गराएर आफ्नै ज्यान लिएका थिए । त्यसको लगत्तै गरिएको अर्को एक छुट्टै कारबाहीमा उक्त समूहका प्रवक्ता अबु अल-हसन अल-मुजाहिर पनि मारिएका आइएसले बिहीबार पुष्टि गरेको छ ।

अल मुजाहिरलाई बग्दादीको उत्तराधिकारीकारुपमा हेरिएको थियो । उनको पनि मृत्यु भएपछि चरमपन्थी समूहले अल हाशेमीलाई नयाँ नेता चयन गरेको हो । आइएसले नयाँ नेता हाशेमीलाई ‘क्यालिफ’ अर्थात् स्वघोषित ईश्वरबाट शासित व्यवस्थाको नयाँ शासक घोषणा गरेको हो ।

आइएसले आफ्ना नयाँ नेता हाशेमीकाबारेमा धेरै जानकारी दिएको छैन । उनको कुनै तस्वीर पनि सार्वजनिक गरेको छैन । (एजेन्सी)

प्रकाशित मिति: शुक्रबार, कात्तिक १५, २०७६ ०८:४६