नरैनापुरका संक्रमितलाई गाउँपालिकाकै लक्ष्मणपुर प्राथमिक स्वास्थ्य केन्द्र भवनमा राखिँदै

समाचार

गृहपृष्ठ
समाचार
नरैनापुरका संक्रमितलाई गाउँपालिकाकै लक्ष्मणपुर प्राथमिक स्वास्थ्य केन्द्र भवनमा राखिँदै

नरैनापुरका संक्रमितलाई गाउँपालिकाकै लक्ष्मणपुर प्राथमिक स्वास्थ्य केन्द्र भवनमा राखिँदै

सोमबार, जेठ ५, २०७७ बागेश्वरी पोस्ट

नेपालगञ्ज। बाँकेको नरैनापुरमा आज संक्रमण पुष्टि भएका ४७ जनालाई गाउँपालिकाकै वडा नम्बर २ लक्ष्मणपुरस्थित प्राथमिक स्वास्थ्य केन्द्रमा राखिने भएको छ ।

भेरी अस्पतालको मातहत रहने गरी आइसोलेसन अस्पताल बनाएर सबैलाई त्यहीँ राख्ने गरी व्यवस्थापन भइरहेको सहायक प्रमुख जिल्ला अधिकारी दिर्घराज उपाध्यायले बताउनुभयो । तर, गाउँपालिकाका अध्यक्ष इस्तियाह अहमद शाहले स्रोत साधन र सुविधा नभएको ठाउँमा संक्रमितलाई राख्न नहुने बताउनुभएको छ । आइसियु वा भेन्टिलेटर चाहिने अवस्था आएमा उपचारमा गाह्रो हुने भन्दै अध्यक्ष शाहले नरैनापुरमा राख्दा जोखिम बढ्ने भएकाले नेपालगञ्जमै राख्ने व्यवस्था मिलाउनुपर्नेमा जोड दिनुभएको छ । य

संक्रमित भएका ८ जनाको भने दाङको बेलझुण्डीस्थित कोरोना विशेष अस्पतालमा उपचार भइरहेको छ । एकै दिन ४७ जनामा कोरोना संक्रमण देखिएपछि उच्च सतर्कता अपनाइएको छ । त्यस पालिकामा मात्रै संक्रमित हुनेको संख्या ५६ पुगेको छ । जसमध्ये एक जनाको हिजो मृत्यु भएको थियो ।

बाँकेमा ८१ जना संक्रमित भएका छन् । नरैनापुरका संक्रमित सबै एक डेढ साता यता भारतको मुम्बईबाट आएर पालिकाले बनाएको क्वारेन्टाइनमा बसेका स्थानीय रहेको गाउँपालिकाका अध्यक्ष शाहले बताउनुभयो ।

भारतबाट आएर क्वारेन्टाइनमा बसेका मध्ये बैशाख ३१ गते ४५ जनाको स्वाब संकलन गरेर भेरी अस्पतालमा परिक्षण गर्दा ८ जनाको पोजिटिभ देखिएपछि जेठ ३ गते संक्रमितहरुको सम्पर्कका थप २ सय ६३ जनाको स्वाब संकलन गरिएको थियो । त्यस मध्ये १ सय ९२ जनाको परिक्षण हुँदा ४७ जनामा पोजिटिभ देखिएको हो । हिजो पनि थप ११ स्वाब संकलन गरिएको थियो । अब ८१ जनाको परिक्षण हुन बाँकि छ ।

नरैनापुर गाउँपालिकाका विभिन्न १३ क्वारेन्टाइनमा ८ सय १४ जना रहेको स्वास्थ्य शाखा उपप्रमुख नागेन्द्र कुमार शाहले जानकारी दिनुभयो ।

प्रकाशित मिति: सोमबार, जेठ ५, २०७७ १८:३५

प्रतिक्रिया दिनुहोस्