क्वारेन्टाइन व्यवस्थापनमा खटिएका एक जना वडा अध्यक्षको मृत्यु

समाचार

गृहपृष्ठ
समाचार
क्वारेन्टाइन व्यवस्थापनमा खटिएका एक जना वडा अध्यक्षको मृत्यु

क्वारेन्टाइन व्यवस्थापनमा खटिएका एक जना वडा अध्यक्षको मृत्यु

बुधबार, जेठ १४, २०७७ बागेश्वरी पोस्ट

सांंकेतिक तस्बिर

महेन्द्रनगर । क्वारेन्टाइन व्यवस्थापनमा जुटेका एक जना वडा अध्यक्षको मृत्यु भएको छ ।

कंचनपुर जिल्लाको कृष्णपुर नगरपालिका वडा नम्वर ७ का अध्यक्ष कल्लु रानाको गए राति मृत्यु भएको जिल्ला प्रहरी कार्यालय कञ्चनपुरले जनाएको छ ।

आफ्नै वडामा रहेको राष्ट्रिय माविमा क्वारेन्टाइन व्यवस्थापनमा जुटेका उनी एक्कासी बेहोस भएका थिए । ५८ वर्षीय रानालाई सेती प्रादेशिक अस्पतालमा उपचार गर्ने लैजाने क्रममा मृत्यु भएको हो ।जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक रविन्द्र पौडेलका अनुसार गएराति करिब १२ बजे उनको मृत्यु भएको थियो ।

उनको शव सेती प्रादेशिक अस्पतालमा राखिएको छ । उनमा कोरोना संक्रमण थियो कि थिएन भनेर परीक्षण गर्ने अस्पतालले जनाएको छ । ‘शवको पोष्टमार्टम हुन्छ त्यसपछि स्वाब संकलन गर्छौं’ अस्पतालका मेसु डाक्टर हेमराज पाण्डेयले भने ।अनलाइनखबरबाट।

प्रकाशित मिति: बुधबार, जेठ १४, २०७७ ०८:५३

प्रतिक्रिया दिनुहोस्