कोरोना आशंकामा आइसोलेसनमा उपचाररत एक बालिकाको मृत्यू

समाचार

गृहपृष्ठ
समाचार
कोरोना आशंकामा आइसोलेसनमा उपचाररत एक बालिकाको मृत्यू

कोरोना आशंकामा आइसोलेसनमा उपचाररत एक बालिकाको मृत्यू

आइतबार, जेठ १८, २०७७ बागेश्वरी पोस्ट

प्रतिकात्मक तस्बिर

बाजुरा । बाजुरामा कोरोना आशंकामा आइसोलेसनमा उपचाररत एक बालिकाको मृत्यू भएको छ । सदरमुकाम मार्तडीस्थित जिल्ला अस्पतालको आइसोलेसनमा राखिएकी बालिकाको २ वर्षीया बालिकाको उपचारको क्रममा मृत्यु भएको हो ।

बुढीगंगा नगरपालिका–१ घर भएकी बालिकालाई जेठ १५ गतेबाट आइसोलेसनमा राखेर उपचार गरिँदै आइएको थियो । बालिका पखाला, ज्वरो र श्वासप्रश्वास समस्याबाट ग्रसित रहेकी थिइन् ।

‘अवस्था निकै चिन्ताजनक रहेको र बचाउन नसकिएको’ उपचारमा संलग्न चिकित्सकहरुको प्रतिक्रिया छ । मृतक बालिकाको स्वाब संकलन गरिएको र रिपोर्ट आएपछि मात्र शव व्यवस्थापन गर्ने अस्पतालले जनाएको छ ।

बुढीगंगा नगरपालिका–१ घुरालसैना माविको क्वारेन्टाइनमा आफ्ना बाबुआमासँगै बसेकी बालिकाका अभिभावकको पनि स्वाब संकलन गरिएको छ । उक्त परिवार ८ दिन अघि भारतबाट आएको थियो ।

यसैबीच शनिबार राति डडेलधुराको क्वारेन्टाइनमा राखिएका अर्का बालकको मृत्यु भएको छ । मृत्यु हुनेमा जिल्लाको नवदुर्गा गाउँपालिका–३ का ६ वर्षीय बालक रहेका छन् ।

शनिबार राति १२ बजे जिल्ला सदरमुकाम नजिकै रहेको डडेलधुरा बहुमुखी क्याम्पसको क्वारेन्टाइनमा राखिएका बालक मृत्यु भएको हो ।

प्रकाशित मिति: आइतबार, जेठ १८, २०७७ १२:५९

प्रतिक्रिया दिनुहोस्