बाजुराकी दुई वर्षीया बालिकाको कोरोनाकै कारण मृत्यु,आमाको पनि कोरोना रिपोर्ट पोजेटिभ

समाचार

गृहपृष्ठ
समाचार
बाजुराकी दुई वर्षीया बालिकाको कोरोनाकै कारण मृत्यु,आमाको पनि कोरोना रिपोर्ट पोजेटिभ

बाजुराकी दुई वर्षीया बालिकाको कोरोनाकै कारण मृत्यु,आमाको पनि कोरोना रिपोर्ट पोजेटिभ

आइतबार, जेठ १८, २०७७ बागेश्वरी पोस्ट

प्रतिकात्मक तस्बिर

बाजुरा । बाजुराकी दुई वर्षीया बालिकाको कोरोना भाइरस (कोभिड-१९) को संक्रमणकै कारण मृत्यु भएको पुष्टि भएको छ । बुढीगंगा नगरपालिका–१ घर भएकी बालिकालाई जेठ १५ गतेबाट आइसोलेसनमा राखेर उपचार गरिँदै आइएको थियो । बालिका पखाला, ज्वरो र श्वासप्रश्वास समस्याबाट ग्रसित रहेकी थिइन् ।

आइसोलेसनमा उपचार गर्ने क्रममा शनिबार बिहान करिब २ बजेतिर उनको मृत्यु भएको अस्पतालका मेडिकल सुपरिटेन्डेन्ट डा. रुपचन्द्र बिकले बताए । डा. बिकका अनुसार अस्पताल ल्याउँदा नै बालिकामा कडा निमोनिया थियो ।

बुढीगंगा नगरपालिका–१ घुरालसैना माविको क्वारेन्टाइनमा आफ्ना बाबुआमासँगै बसेकी बालिकाका अभिभावकको पनि स्वाब संकलन गरिएको छ । उक्त परिवार ८ दिन अघि भारतबाट आएको थियो ।

शनिबार बिहान बालिकासँगै आमाबुबाको स्वाब संकलन गरेर धनगढी पठाइएको थियो।

बालिकासँगै उनकी आमाको पनि कोरोना रिपोर्ट पोजेटिभ आएको सुदूरपश्चिम स्वास्थ्य निर्देशनालयका निर्देशक डा. गुणराज अवस्थीले जानकारी दिए । बाबुको कोरोना परीक्षण रिपोर्ट भने नेगेटिभ आएको छ ।

प्रकाशित मिति: आइतबार, जेठ १८, २०७७ १५:२६