सुर्खेतमा आरडीटीमा नेगेटिभ आएपछि घर गएका युवकको मृत्यु, पिसीआरमा कोरोना पोजेटिभ

समाचार

गृहपृष्ठ
समाचार
सुर्खेतमा आरडीटीमा नेगेटिभ आएपछि घर गएका युवकको मृत्यु, पिसीआरमा कोरोना पोजेटिभ

सुर्खेतमा आरडीटीमा नेगेटिभ आएपछि घर गएका युवकको मृत्यु, पिसीआरमा कोरोना पोजेटिभ

शुक्रबार, जेठ २३, २०७७ बागेश्वरी पोस्ट

प्रतिकात्मक तस्बिर

सुर्खेत । सुर्खेतमा क्वारेन्टाइनमा बसेका पञ्चपुरी नगरपालिका १ हाँसेका एक जना २० वर्षीय युवकलाई आरडीटी रिपोर्ट नेगेटिभ आएपछि घर पठाइयो। घर फर्किएका ति युवकको मृत्यु भयो।

उनलाई बुधबार दिउँसको घर पठाइएको थियो। उनको बिहीबार बिहान मृत्यु भयो। ति युवकको मृत्युपछि पीसीआर जाँच गर्दा पोजेटिभ आएपछि कोरोनाले मृत्यु भएको पुष्टि भएको हो ।

मृतक युवकको आज बिहान २ बजे पोजेटिभ आएको कर्णाली प्रदेश स्वास्थ्य निर्देशनालयको प्रयोगशाला संयोजकले पुष्टि गरे । ‘डेथ भएकोले प्राथमिकता दिनु भनिएको थियो । राति २ बजेसम्म काम गरेर रिपोर्ट निकाल्यौं । पोजेटिभ आएको छ,’ प्रयोगशालाका कर्मचारीले भने । मृतक युवक यही जेठ ७ गते भारतबाट आएका थिए। उनी जनता मावि विद्यापुरको क्वारेन्टिनमा बसेका थिए ।

आरडीटी जाँच गर्दा नेगेटिभ आएपछि २१ गते दिउँसो घर गएका उनको बिहिवार बिहान २ बजे मृत्यु भएको थियो । मृतक युवकको शवलाई प्रहरीले सुरक्षा दिइरहेको र दाहसँस्कारका लागि वीरेन्द्रनगरबाट सेनाको टोली आउने तयारी गरेको उनले बताए ।

योसँगै नेपालमा कोरोनाले मृत्यु हुनेको संख्या ११ पुगेको छ भने कर्णालीमा मात्रै दुई पुगेको छ । यसअघि दैलेखमा क्वारेन्टाइनमै मृत्यु भएका युवकमा पनि कोरोना पुष्टि भएको थियो ।अहिले नेपालमा कोरोना संक्रमितको संख्या २६ सय नाघेको छ भने २९० जना निको भएर घर फर्किएका छन् ।

प्रकाशित मिति: शुक्रबार, जेठ २३, २०७७ ०८:५६