सेनामा रथी बढुवाको प्रक्रिया सुरु, हमालको नाम सिफारीस गर्ने तयारी

सुरक्षा-अपराध

गृहपृष्ठ
सुरक्षा-अपराध
सेनामा रथी बढुवाको प्रक्रिया सुरु, हमालको नाम सिफारीस गर्ने तयारी

सेनामा रथी बढुवाको प्रक्रिया सुरु, हमालको नाम सिफारीस गर्ने तयारी

सोमबार, जेठ २६, २०७७ बागेश्वरी पोस्ट

उपरथी ईश्वर हमाल

नेपालगन्ज । नेपाली सेनाले रथी बढुवाको लागी सुचना प्रकाशित गरेको छ । सेनाका बलाधिकृतरथी शरद गिरी गत शुक्रवार विदामा बसेपछि सेनाले रथी बढुवाको प्रक्रिया अघि बढाएको हो । सेनामा अवकास हुनु १५ दिनअघि विदामा वस्ने सैनिक परम्पराअनुसार रथी गिरी शुक्रवारवाट विदामा बसेका हुन् ।

रथी बढुवाको बोर्डको अध्यक्ष भने बलाध्यक्षरथी प्रभुराम शर्मा छन् । सैनिक मुख्यालयले बढुवाको लागी सात दिने सूचना समेत प्रकाशित गरेको छ । आगामी शुक्रवार बस्ने बोर्डको वैठकले ईश्वर हमालको नाम रथी बढुवाका लागी प्रधानसेनापति पूर्णचन्द्र थापासमक्ष पेश गर्नेछ ।

प्रधानसेनापतिले बोर्डको निर्णय अनुमोदन गरेपछि रक्षा मन्त्रालयमा बढुवाको लागी हमालको नाम पठाईनेछ । सेनामा अर्का उपरथी राजेन्द्र कार्कीलाई रथीमा बढुवा गर्ने चलखेल भइरहेको चर्चा चलेपनि अन्ततः हमाल तीन तारे जर्नेलमा बढुवा हुन् लागेका हुन् । सेनामा अहिलेसम्म वरियता मिच्ने काम भएको छैन् ।

बलाधिकृत गिरीले आगामी असार ६ गते लामो सैनिक सेवावाट अनिवार्य अवकास पाउंदैछन् । उनको ठाउंमा वरियताको आधारमा उपरथी ईश्वर हमाल सेनाको तीन तारे जर्नेलमा बढुवा हुनेछन् ।

उनी हाल यूएन डिसइन्गेजमेन्ट अब्जरभर फोर्सको फोर्स कमान्डरमा नियुक्त भएर पनि नेपालमै रहेका छन् । लकडाउनका कारण उनले उक्त जिम्मेवारी सम्हाल्न पाएका छैनन् । उपरथी हमाल नेपाली सेनाबाट शान्ति मिसनको महत्वपूर्ण ओहदामा पुग्ने छैटौं जर्नेल हुन् ।

हमाल नेपाली सेनामा २०४० कार्तिक २२ मा सैनिक अधिकृतका रुपमा सेवा प्रवेश गरेका थिए । सेनाको अर्को रथीमा भने प्रभुराम शर्मा बढुवा भइसकेका छन् । उनी हालका प्रधानसेनापति पूर्णचन्द्र थापापछि प्रधानसेनापतिको लाईनमा छन् ।

हमालको रथीमा बढुवासंगै शर्मा सेनाको सवैभन्दा शक्तिशाली मानिने बलाधिकृतरथीमा सरुवा हुनेछन् भने हमाललाई बलाध्यरथीको जिम्मेवारी मिल्नेछ । काठमाडौं पाटी

प्रकाशित मिति: सोमबार, जेठ २६, २०७७ ०६:५९

प्रतिक्रिया दिनुहोस्