नौ जना स्वास्थ्यकर्मीमा कोरोना देखिएपछि प्रदेश अस्पताल सुर्खेतको आकस्मिक बाहेक सबै सेवा बन्द

समाचार

गृहपृष्ठ
समाचार
नौ जना स्वास्थ्यकर्मीमा कोरोना देखिएपछि प्रदेश अस्पताल सुर्खेतको आकस्मिक बाहेक सबै सेवा बन्द

नौ जना स्वास्थ्यकर्मीमा कोरोना देखिएपछि प्रदेश अस्पताल सुर्खेतको आकस्मिक बाहेक सबै सेवा बन्द

शुक्रबार, असार १२, २०७७ बागेश्वरी पोस्ट

सुर्खेत । सुर्खेतस्थित प्रदेश अस्पतालको आकस्मिक सेवा बाहेक सबै सेवा बन्द गरिएको छ।

अस्पतालमा कार्यरत चिकित्सकसहित नौ स्वास्थ्यकर्मीमा कोरोना भाइरसको सङ्क्रमण देखिएपछि अस्पतालले आकस्मिक बाहेकका सेवा बन्द गरेको छ । अस्पतालले बिहीबार साँझ विज्ञप्तिमार्फत सेवाग्राहीको सुरक्षालाई मध्यनजर गर्दै आकस्मिकबाहेकका सेवा बन्द गरेको जनाएको छ ।

अस्पतालका निर्देशक डाक्टर डम्बर खड्काका अनुसार पिसिआर विधिबाट गरिएको परीक्षणका क्रममा विशेषज्ञ चिकित्सकसहित प्रयोगशाला, एक्सरे फाँटमा कार्यरत स्वास्थ्यकर्मीमा कोरोना पोजेटिभ देखिएको हो । सङ्क्रमित स्वास्थ्यकर्मीलाई प्रदेश अस्पतालअन्तर्गतको कोरोना विशेष अस्पतालको आइसोलेसन कक्षमा राखिएको छ ।

यसैबीच, आत्महत्या गरेका दैलेखका एक युवाको कोरोना परीक्षणको नतिजा पोजेटिभ आएको छ । दुल्लु नगरपालिका–१० छुवालाका २१ वर्षीय युवाको प्रदेश अस्पताल–पशुपंक्षी रोग अन्वेषण प्रयोगशालामा बिहीबार पिसिआर परीक्षण गरिएको थियो ।

जेठ ११ गते भारतबाट आएका उनलाई १४ दिन क्वारेन्टिनको बसाइँपछि आरडिटी परीक्षणको नतिजा नेगेटिभ आएपछि घर पठाइएको थियो ।

प्रकाशित मिति: शुक्रबार, असार १२, २०७७ ११:३८