सुर्खेतको कोरोना परिक्षण पिसीआर मेसिन बिग्रियो

समाचार

गृहपृष्ठ
समाचार
सुर्खेतको कोरोना परिक्षण पिसीआर मेसिन बिग्रियो

सुर्खेतको कोरोना परिक्षण पिसीआर मेसिन बिग्रियो

आइतबार, असार १४, २०७७ बागेश्वरी पोस्ट

सुर्खेत । कर्णाली प्रदेश सरकारले प्रयोगमा ल्याएको कोरोना भाइरस परिक्षण पीसीआर मेसिन बिग्रिएको छ । प्रदेश अस्पताल सुर्खेत प्रयोग गर्दै आएको पशुपन्छी रोग अन्वेषण प्रयोगशाला सुर्खेतको पीसीआर मेसिन शुक्रबारदेखि बिग्रिएको हो ।

यसअघि यो मेसिनबाट दैनिक करिब चार सय स्वाबको परीक्षण गर्दै आएको थियो । सामाजिक विकास मन्त्रालय स्वास्थ्य महाशाखा प्रमुख डा.लक्ष्मीनारायण तिवारीका अनुसार बिग्रिएको मेसिन मर्मतका लागि आइतबारबाट पहल थालिने भएको छ ।

‘शुक्रबार नै मेसिन बिग्रिएको हो सफ्टवेरमा समस्या भयो कि भनेर प्रयास गरौँ तर हार्डवेयरमै समस्या देखियो’, डा। तिवारीले भने, ‘मेसिन मर्मतका लागि अस्पतालले आइतबार सप्लायर कम्पनीलाई पत्र काट्ने कुरा भएको छ ।’ हार्डवेरमा समस्या देखिएका कारण मर्मतमा समय लाग्ने उनको भनाइ छ ।

मेसिन बिग्रिएपछि अत्यावश्यक व्यक्तिको अर्को पोर्टेबल पीसीआर मेसिनबाट परीक्षण भइरहेको छ । प्रयोगशालामा रहेका केही स्वाबहरु भने कर्णाली स्वास्थ्य विज्ञान प्रतिष्ठान जुम्ला र छिमेकी जिल्लामा पठाउने तयारी गरिएको छ ।अनलाइनखबरबाट।

प्रकाशित मिति: आइतबार, असार १४, २०७७ १०:५३