शोलेका'सुरमा भोपाली'को निधन

विश्व

गृहपृष्ठ
विश्व
शोलेका'सुरमा भोपाली'को निधन

शोलेका'सुरमा भोपाली'को निधन

बिहीबार, असार २५, २०७७ बागेश्वरी पोस्ट

सुरमा भोपाली

मुम्बई( भारत) । भारतीय चर्चित कलाकारको निधन भएको छ। बलिउडका 'सुरमा भोपाली' नामले चर्चित कलाकार जगदीपको निधन भएको छ ।

जगदीपको क्यान्सर रोगका कारण ८१ वर्षको उमेरमा गएराति मुम्बईस्थित आफ्नै निवासमा निधन भएको हो । उनको आज अन्त्येष्टि गरिने छ । जगदीपको वास्तविक नाम सैयद इश्तियाक अहमद जाफरी हो ।

उनी कलाकारद्वय जावेद र नावेद जाफरीका बुवा हुन् । उनले चार सयभन्दा बढी फिल्ममा काम गरेका छन् । सन् २०१२ को ‘गली गली चोर’ उनले अभिनय गरेको अन्तिम फिल्म हो, जसमा उनले प्रहरीको भूमिका निर्वाह गरेका छन् ।

सन् १९७५ मा बनेको शोले फिल्ममा उनले निर्वाह गरेको सुरमा भोपालीको भूमिकाले उनी बलिउडमा चर्चित बनायो । त्यसपछि सन् १९८८ मा ‘सुरमा भोपाली’ नामकै फिल्म बन्यो, जसमा जगदीपको मुख्य भूमिका छ । उनी सुरमा भोपाली नामले धेरै चर्चित बनेका थिए।बलिउडमा उनी एक हास्य कलाकारका रुपमा समेत चर्चित थिए।

प्रकाशित मिति: बिहीबार, असार २५, २०७७ १०:१४