सल्यानमा मास्क नलगाई हिड्नेबाट प्रहरीले उठायो ३० हजार राजश्व

समाचार

गृहपृष्ठ
समाचार
सल्यानमा मास्क नलगाई हिड्नेबाट प्रहरीले उठायो ३० हजार राजश्व

सल्यानमा मास्क नलगाई हिड्नेबाट प्रहरीले उठायो ३० हजार राजश्व

मंगलबार, असार ३०, २०७७ बागेश्वरी पोस्ट

सल्यान। सरकारले अनिवार्य मास्क लगाएर हिंड्न् अनुरोध गर्दा समेत अटेरी गर्दै मास्क नलगाएकाहरुलाई प्रहरी प्रशासनले जरिवाना तिराउदै आएको छ।

यस्तै सल्यान जिल्लामा मास्क नलगाएर हिँड्डुल गरेबाट ३० दिनको अवधीमा ३० हजार ६०० रुपैयाँ राजश्व संकलन भएको छ। उनीहरुलाई संक्रामक रोग नियन्त्रण ऐन २०२० बमोजिम जनही १ सयका दरले जरिवाना गरिएको जिल्ला प्रहरी सल्यानले जानकारी दिएको छ।

जिल्ला प्रहरी सल्यान हिजोमात्र १० हजार २ सय राजश्व संकलन गरेको छ। मास्क नलगाएर हिड्नेमा बढी जसो श्रीनगर , लुहाम , कपुरकोट,खलंगा, लान्ती बजारका रहेका छन् । प्रहरीले मास्क नलगाएको भेट्ने बित्तिकै प्रत्येक व्यक्तिवाट एक सय रूपैयाँ जरिवाना तिराउँदै आएको छ।

सरकारले लकडाउन खुकुलो पारेसँगै सर्बसाधारणले मास्क नलगाई हिंड्डुल गर्न थालेपछि गृह मन्त्रालयले कोरोना भाइरस संक्रमण फैलिन नदिन सबैलाई अनिवार्य मास्क लगाई हिंड्डुल गर्न निर्देशन दिएको हो ।

सर्बसाधारणहरु मास्क नलगाई हिंड्डुल गर्न थालेपछि गृह मन्त्रालयले सबै जिल्लामा पत्राचार गर्दै मास्क नलगाए संक्रामक रोग नियन्त्रण ऐन २०२० बमोजिम कारबाही गर्न निर्देशन दिएको हो ।

प्रकाशित मिति: मंगलबार, असार ३०, २०७७ ११:०५

प्रतिक्रिया दिनुहोस्