हुम्ला सदरमुकाम सिमकोटसहित आसपासका गाउँ अन्धकार

समाचार

गृहपृष्ठ
समाचार
हुम्ला सदरमुकाम सिमकोटसहित आसपासका गाउँ अन्धकार

हुम्ला सदरमुकाम सिमकोटसहित आसपासका गाउँ अन्धकार

मंगलबार, असार ३०, २०७७ रासस

हुम्ला । विद्युत गृहको यन्त्रमा खराबी आएपछि आइतबारदेखि हुम्ला सदरमुकाम सिमकोटसहित आसपासका गाउँ अन्धकारमय बनेका छन् ।

जिल्ला सदरमुकाम सिमकोट लगायत खार्पुनाथ र सिमकोट गाउँपालिकामा विद्युत आपूर्ति गर्दै आएको ५ सय किलोवाट क्षमताको हिल्दुम साना जलविद्युत आयोजनाको विद्युत बन्द भएको हो । यसले गर्दा दुई गाउँपालिकाका करिब १८ घरधुरीका सेवाग्राही प्रत्यक्ष मर्कामा परेका छन् ।

आयोजनाको विद्युत गृहमा रहेका दुई यन्त्रमा खराबी आएपछि विद्युत उत्पादन नहुँदा सिमकोट लगायत गाउँ अन्धकार भएको हिल्दुम साना जलविद्युत आयोजनाको वितरण केन्द्र सिमकोटले जनाएको छ ।

सिमकोटमा विद्युत अवरुद्ध भएपछि असार मसान्तमा विकासे बजेट भुक्तानी गरिरहेका जिल्लाका सरकारी कार्यालयलाई काम गर्न समस्या भएको छ ।

प्रकाशित मिति: मंगलबार, असार ३०, २०७७ १२:०८

प्रतिक्रिया दिनुहोस्