ऋणको साँवा ब्याज तिर्ने मिति दुई वर्षसम्म लम्ब्याइयो

अर्थ

गृहपृष्ठ
अर्थ
ऋणको साँवा ब्याज तिर्ने मिति दुई वर्षसम्म लम्ब्याइयो

ऋणको साँवा ब्याज तिर्ने मिति दुई वर्षसम्म लम्ब्याइयो

शुक्रबार, साउन २, २०७७ बागेश्वरी पोस्ट

काठमाडौं । नेपाल राष्ट्र बैंकले सार्वजनिक गरेको मौद्रिक नीतिमा असार मसान्तमा तिर्नुपर्ने ऋणको साँवा ब्याज व्यवसाय हेरेर ६ महिनादेखि दुई वर्षसम्म तिर्न सकिने व्यवस्था गरिएको छ ।

विश्वव्यापी महामारीको रुपमा फैलिएको कोरोना भाइरस (कोभिड–१९) संक्रमणका कारण परेको असरलाई मध्यनजर गर्दै राष्ट्र बैंकले यस्तो व्यवस्था गरेको हो ।

शुक्रबार चालु आर्थिक वर्षको मौद्रिक नीति सार्वजनिक गर्दै गभर्नर महाप्रसाद अधिकारीले बिग मर्जरलाई प्राथमिकता दिने नीति अगाडि सारेका छन् ।

राष्ट्र बैंकले वित्तीय संस्थाको मर्जरलाई प्राथमिकता दिँदै २०७९ सालसम्म थप सुविधा दिने घोषणा गरेको छ ।

मौद्रिक नीतिले ऋण दिन पाउने सीमालाई पनि बिस्तार गरेको छ । यसअघि बैंकले एक सय रुपैयाँ निक्षेप लिँदा ८० रुपैयाँ मात्रै ऋण दिन पाउने व्यवस्था थियो । उक्त व्यवस्थालाई परिवर्तन गरेर अब ८५ रुपैयाँ ऋण दिन पाउने घोषणा गरिएको छ ।

यो व्यवस्थासँगै उद्योग व्यवसायले ऋण लिएकाहरुले थप २० प्रतिशतसम्म ऋण पाउने भएका छन् । नेपाल राष्ट्र बैङ्कले मौद्रिक नीतिमार्फत् बैंकहरुलाई सो सीमासम्मको थप कर्जा प्रवाह गर्न छुट दिएको हो । उक्त कर्जा चालु पुँजी प्रकृतिको कर्जाको रुपमा उपलब्ध गराइनेछ ।
ऋण भुक्तानीको समय थपियो : कस्ता ऋणीले कति पाउँछन् समय?