ट्राफिक प्रहरीमा कोरोना संक्रमण भएपछि ‘बग्गी खाना’ सील

सुरक्षा-अपराध

गृहपृष्ठ
सुरक्षा-अपराध
ट्राफिक प्रहरीमा कोरोना संक्रमण भएपछि ‘बग्गी खाना’ सील

ट्राफिक प्रहरीमा कोरोना संक्रमण भएपछि ‘बग्गी खाना’ सील

एसएसपीसहित तीन सय ट्राफिक क्वारेन्टाइनमा

आइतबार, साउन १८, २०७७ बागेश्वरी पोस्ट

एसएसपी भीमप्रसाद ढकाल

काठमाडौँ । रामशाहपथमा रहेको महानगरीय ट्राफिक प्रहरी महाशाखा प्रमुख सहित तीन सयभन्दा बढी ट्राफिक प्रहरी क्वरेन्टाइनमा बसेका छन् ।शुक्रबार महाशाखाका दुई जना ट्राफिक प्रहरीमा कोरोना संक्रमण पाइएपछि महाशाखाका प्रमुख एसएसपी भीमप्रसाद ढकालसहित ३ सय ७५ जना महाशाखाभित्रै क्वरेन्टाइनमा बसेका हुन् ।

महाशाखाका प्रवक्ता वामदेव गौतमले सहकर्मीमा कोरोना पुष्टि भएपछि स्वास्थ्य सुरक्षाका उपाय अवलम्बन गरेर भित्रै बसिएको जानकारी दिए ।अहिले उनीहरुको सबैको कोरोना परीक्षणको लागि नामावली टिप्ने काम भइरहेको र स्वाब सङ्कलन गर्ने तयारी भएको छ । उनीहरुको रिपोर्ट नआएसम्म बग्गीखानाबाट हुने सबै काम स्थगित गरिएको छ ।

महाशाखाका एसएसपी ढकालका अनुसार सवारी व्यवस्थापनमा भने केही समस्या हुने भएको छ । उनले सवारीको चाप बढी भएको ठाउँमा कम चाप हुने स्थानमा खटिएका ट्राफिकलाई ल्याएर खटाउने जानकारी दिए ।

शुक्रबार सङ्क्रमण पुष्टि भएका दुई जनालाई भने बलम्बुमा रहेको सशस्त्र प्रहरीको कोभिड अस्पतालमा भर्ना गरिएको छ ।

प्रकाशित मिति: आइतबार, साउन १८, २०७७ १४:३५

प्रतिक्रिया दिनुहोस्