पत्रकार बानियाँको मृत्युबारे अनुसन्धान गर्न माग

सुरक्षा-अपराध

गृहपृष्ठ
सुरक्षा-अपराध
पत्रकार बानियाँको मृत्युबारे अनुसन्धान गर्न माग

पत्रकार बानियाँको मृत्युबारे अनुसन्धान गर्न माग

बिहीबार, साउन २९, २०७७ रासस

नेपालगन्ज । नेपाल प्रेस युनियनले कान्तिपुर दैनिकका सहायक सम्पादक बलराम बानियाँको मृत्यु बारे गहिरो अनुसन्धान गर्न माग गरेको छ ।

युनियनका महासचिव अजयबाबु शिवाकोटीले बुधबार शोक विज्ञप्ति जारी गरी नेपाल प्रेस युनियनका महाधिवेशन प्रतिनिधिसमेत रहेका बानियाँको मृत्युसँग जोडिएका सबै पक्षको गहिरो अनुसन्धान गरी सत्यतथ्य बाहिर ल्याउन माग गरेका छन् ।

“अनुहारमा गहिरो चोट लागेको अवस्थामा फेला परेका बानियाँको मृत्यु दुर्घटना, आत्महत्या वा हत्याका कारण भएको हो यकिन भएको छैन, यसबारे प्रहरीले गहिरो अनुसन्धान गरी सत्यतथ्य बाहिर ल्याउनुपर्छ”, महासचिव शिवाकोटीले उल्लेख गरेका छन् ।

पत्रकार महासङ्घका पूर्वकेन्द्रीय सचिवसमेत रहेका बानियाँको मृत्युको खबरले प्रेस युनियन मर्माहत भएको बताइएको छ । दुःखद् घडीमा पत्रकार बानियाँप्रति श्रद्धाञ्जलि प्रकट गर्दै शोकसन्तप्त परिवारजनमा युनियनले समवेदना प्रकट गरेको छ ।

प्रकाशित मिति: बिहीबार, साउन २९, २०७७ १०:४४

प्रतिक्रिया दिनुहोस्